Lukas 21:36 - En Taar Weru a nunuwu' é Tontemboan

³⁶ Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Lukas 21:36 Referans Kwoze

1 Yohanes 2:28

Anaé intarépé', toya-toyaangku, menonouo mangé meesa wo si Kristus, wo in taniitu, kita ra'ica oka maindé' wo ra'ica malawi' meta'up wo Sia an tutuw-Na maai sumawel.

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

Matius 25:13

“Ampa'paano in itu kamu matéi-téiro mangé, ampa'paan ra'- ica kailekan iow en endo wo en orasna si Toyaang i Tou maai sumawel.”

Matius 24:42

Ampa'paan in iitu matéi-téiro mangé, ampa'paan ra'ica kailekan iow asi endo kawisa si Casuruan maai.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Korintus 16:13

Mareti-retio mangé! Wo kasake' i makatimboi asi paémanenmu. Mabrani-branio wo makete-ketero.

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

Markus 13:33

“Mareti-retio wo matéi-téiro mangé, ampa'paan ra'ica kailekan iow kawisa en itu mamuali.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.

Matius 26:41

Matéi-téiro mangé wo sumombayango wosama' kamu ra'ica makéré im pangepé'an. Ulit en até miow masalé' méma' sé aicua-Ku, taan ra'ica kawooan in owak iow i méma'.”

1 Tesalonika 5:17

wo musti menomba-nombayang.

Markus 13:37

Sapa en aicua-Ku ai camu, aicua-Ku ka'i a sé pakasa in tou, ‘Matéi-téiro mangé!’ ”

2 Timotius 4:5

Taan ko é Timotius, kawasanmu mangé en owakmu mandé sapake' e mamuali. Malese-leseno mangé masaru ing kawenduan, émaano mangé melala'us en tawoien mengakua in Abar Kaaruien andumoro' i Yesus Kristus wo émaan sumama-sama' en tawoien si aiwéé i Casuruan ai co.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Lukas 20:35

Taan sé tou tinou sumawel i Amang Kasuruan wo nianggap patus makéré im bagéan ang kayo'baan weru, séra ra'io kumawéng wo kawéngen.

Matius 8:20

Icua i Yesus ai sia, “Si serigala awéan wileng paento'an, taniitu ka'i sé burung awéan em parumunan. Taan si Toyaang i Tou ra'ica wana paento'an.”

Matius 24:43

Taan musti kailekan iow en anio'! Sa kailekano i makawalé kawisa si rombit mai rumombit am baléna, tantu sia matéi-téir wosama' si rombit ra'ica muntep am baléna.

Matius 24:44

Taniitu ka'i wo icamu, matéi-téir angé ampa'paan si Toyaang i Tou maai oka sumawel asi oras si ra'ica pinaarap iow.”

Lukas 1:19

Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 21:35

Wo en endo itu sangkumen oka waya é tou ang kayo'baan anio'.

2 Korintus 4:14

Kailekan ami sapaoka si Apo' Yesus tinouo sumawel i Amang Kasuruan wo icami ka'i touen sumawel mewali-wali wo si Yesus, icamu wo icami iwali oka an dior-Na.

Wahyu 6:17

Ampa'paan imayo en endo si kaindéén, si endo i Amang Kasuruan wo si Toyaang i Domba makim pakasa in tou. Si séi réén e ro'na makatang?”

Wahyu 7:9

Kekawus in itu, sérénku ka'i sangareru' tou sé ra'io karékénan eng kakelina. Séra itu asé im pakasa im bangsa, in suku, i negara, wo i nunuwu'. Séra makatulung an dior im palukutan pasiri-siriin wo an dior i Toyaang i Domba itu. Séra mekarai ing kulo' wo eng kama éra makatimboi in lala-lalaina im palem.

Wahyu 8:2

Wo sérénku sé pitu malaékat sé makatulung an dior i Amang Kasuruan, séra si esa wo si esa winéan esa terompét.

Wahyu 11:4

Sé rua sairi itu aipeputé wo sé rua tuura in zaitun wo sé rua totombol patuliran in sosoloan, sé makatulung an dior i Casuruan si makatimboi ing kawasa am pakasa ing kayo'baan.