Lukas 21:16 - En Taar Weru a nunuwu' é Tontemboan

¹⁶ Kamu ka'i isarakan oka é matu'a miow, é poo-poow iow, é pamalé miow wo é kara-karapi miow a sé kaséké' miow wo piraan tou ai camu patén éra oka.

Lukas 21:16 Referans Kwoze

Lukas 12:53

Wo awéan ka'i kaperéndéran, si amang sumundur si toyaangna tuama wo si toyaangna tuama sumundur si amangna. Taniitu ka'i si inang sumundur si toyaangna wéwéné wo si toyaangna wéwéné sumundur ka'i si inangna. Wo ka'i si inang émpo sumundur si émpona wéwéné wo si émpona wéwéné sumundur ka'i si inang émpona.”

Wahyu 6:9

Wo tutuw i Toyaang i Domba muka' in ségél kalima, kaséréanku sé mu'kur an darem im pawetaan i raragés sé pinatéo ampa'paan in Taar i Amang Kasuruan wo ampa'paan ing kasairi-sairian éra.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Wahyu 2:13

Kailekan-Ku em paento'an iow, asi tampa pakakawasan i kikiiten é sétang. Taan kamu uli-ulit le'tek maéman a Yaku wo ra'ica sangkalen iow em paémanen iow a Yaku, mandé ka'i sinéré miow si Antipas sairi le'tek-Ku pinaté an dior iow asi tampa pakakawa- san i kikiiten é sétang.

Kisah Para Rasul 12:2

Peréntanna sé touna wosama' si Yakobus si metuari wo si Yohanes patén maké in sa'bel.

Kisah Para Rasul 7:59

Ang karoro'an éra i mawangkil si Stefanus, sia sumombayang, “O Apo' Yesus, terimano mangé e rohku.”

Markus 13:12

Maai oka en témpona, si esa tou sumarakan oka si poowna in esa em patén. Taniitu ka'i e mamuali a si esa amang sumarakan oka sé toyaangna. Sé toyaang ka'i sumundur oka sé matu'a wo patén éra.

Matius 10:21

Wo mamuali oka ka'i, si esa tou sumarakan oka si poowna in esa em patén. Tanu siitu ka'i e mamuali a si esa amang wo sé toyaangna. Sé toyaang ka'i sumundur oka sé matu'a wo maté iséra.

Lukas 21:15

Ampa'paan, émaan-Ku oka kamu pinter manuwu' wosama' kamu ra'ica kasunduran wo ra'ica ro'na icélong é kaséké' miow.

Lukas 21:17

Wo ka'i pakasa sé tou masuut oka icamu ampa'paan makiit Yaku.