Lukas 20:13 - En Taar Weru a nunuwu' é Tontemboan

¹³ Wo icua i makauma itu an untep in aténa, ‘Sapapé' e musti émaanku? Aweso taré iru'du'ku si toyaangku si paupu-upusku, tantu sia siriin éra oka.’

Lukas 20:13 Referans Kwoze

Matius 3:17

Wo kalingaan en suara an sorga owo makua, “Si anioo si Toyaang-Ku, si caupus-Ku. Siao e mengaarui in até-Ku.”

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.

Roma 8:3

En ukum Torat ra'ica kawisa lumowir icita, ampa'paan kita makiit in ukum Torat si ra'ica kaémaanta. Taan niéma'o i Amang Kasuruan si ra'ica kaémaan in ukum Torat. Sia mutuso mai si Toyaang-Na in esa ang kayo'baan anio' mamuali tou tanu iméma'o ing kamesé-meséaan wo imaté e mekar sé tou iméma' ing kamesé-meséaan. Wo ampa'paan im papaté i Toyaang-Na itu, kinala-Nao eng kawasa ing kamesé-meséaanta in tou.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Lukas 9:35

Wo an untep ing kambung itu kalingaan en suara makua, “Si anioo si Toyaang-Ku si sinisir-Ku. Lingano mangé Sia!”

Matius 17:5

Ang karoro'ané' i Petrus maroma', tumarépé'anke' tumumpa mai eng kambung matélang wo lumoindong iséra. Wo ang kambung itu kalingaan awéan suara e makua, “Si anioo si Toyaang-Ku, si caupus-Ku, Sia mengaarui in até-Ku. Lingano mangé Sia.”

Lukas 18:2

Icua-Na, “An esa kota awéan esa akim si ra'ica maindé' a si Amang Kasuruan wo ra'ica mengasiri' sé tou.

Lukas 18:4

Uré-uréanke' si akim itu ra'ica kiim tumawang si wéwéné balu itu. Taan ang kasomoianna si akim itu memero-merot in tana'i, ‘Mandé aku ra'ica maindé' a si Amang Kasuruan wo ra'ica mengasiri' sé tou,

Lukas 20:12

Wo iru'du'na ka'i mangé si ata katelu. Taan si ata itu ka'i pinangkur éra akar i mapéla' wo iwangkil éra ang kesot in uma itu.

Lukas 20:14

Taan an tutuw si toyaang i makauma itu sérén é tou matawoi in uma itu wo séra mengkuanan asi esa wo sé walina, ‘Siao e makaanu in uma anio' sa. Mayoo paténta sia, wo en uma anio' mamuali oka anuta.’