Lukas 2:35 - En Taar Weru a nunuwu' é Tontemboan

³⁵ Wo in taniitu sapa em pawero-weroten é tou keli makawuka-wuka' oka. Wo ico é Maria, ico uli-ulit mendam oka ing kawenduan ampa'paano si Toyaang itu. Eng kawenduan pendamenmu itu tanu ing kame'nget in até an tutuw patopoken im pagi' telew.”

Lukas 2:35 Referans Kwoze

1 Korintus 11:19

Wutul musti awéan papetanéan an uner iow, wosama' kaséréan oka sa si séi ai camu sé wutu-wutul le'tek maéman a si Amang Kasuruan.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

Yohanes 19:25

Wo an duru in salip i Yesus makatulung si inang-Na, wo si wéwéné poow i inang-Na, wo si Maria penanaan i Klopas, wo si Maria Magdalena.

Lukas 2:34

Wo si Simeon sumombayang mangilek a si Amang Kasuruan wosama' méé mai ing kamang ai séra. Wo icuana a si Maria inang i Toyaang itu, “Maria, si Toyaang anio' aitantuo i Amang Kasuruan e mai mukum sé kelian tou Israel sé ra'ica maéman a si Casuruan wo mai lumowir kelian tou Israel sé maéman ai Sia. Wo si Toyaang anio' mamuali oka tuus tanu popokéi i Amang Kasuruan a sé tou iméma' ing kamesé-meséaan. Taan Sia icélong oka é tou keli.

Lukas 2:36

Awéan ka'i am bitu esa nabi wéwéné matu'ao, e ngaranna Hana, toyaang i Fanuel an suku Asyer owo. Makakawéng ako, sia menonou mewali-wali wo si penanaanna pitu ngata'un eng kauré,