Lukas 2:27 - En Taar Weru a nunuwu' é Tontemboan

²⁷ Wo ka'i pakakawasan i Roh Le'nas si Simeon mangé muntep am Balé Le'nas. An tutuw i Simeon an untepé', muntep ka'i mai am bitu si Yusuf wo si Maria makake'kep si Yesus Toyaang teké'pé' itu en isarakan a si Amang Kasuruan, tanu ing kanaramen kumiit in atoran i Casuruan an untep in ukum Torat.

Lukas 2:27 Referans Kwoze

Kisah Para Rasul 10:19

Ang karoro'an i Petrus memero-meroté' andumoro' im pinapaturu'an itu wo icua i Roh Le'nas ai sia, “Petrus, awéan telu tou maéré-éré ico.

Lukas 2:51

Wo si Yesus maréng a Nazaret mewali-wali wo sé matu'a-Na wo Sia menonou le'tek a sé matu'a-Na. Pakasa sé imamuali itu pakaéma'ke' i Maria an untep in aténa.

Lukas 2:48

Wo an tutuw é matu'a-Na suméré Sia, séra mangaya'ka' wo icua i inang-Na ai Sia, “Toyaangku, kéitu réén-Ko iméma' tanu siitu ai cami? Si amang-Mu wo yaku ra'io makaaté in sama' maéré-éré Ico.”

Lukas 2:41

Susur in ta'un, sé matu'a i Yesus mengaangé an Yerusalem eng kumiit méma' in endo wangko' Paska.

Wahyu 17:3

Kekawus in itu, yaku kinawasa i Roh i Amang Kasuruan wo aku uwiten angé i malaékat an tana' kapayasan. A mangé mbitu, kaséréanku si esa wéwéné makalukut an licur i esa binatang réindang matu'a. An owakna pinatican i ngara-ngaran ipaojat a si Amang Kasuruan. Si binatang itu makaro'kos pitu wo makasungé sangapulu'.

Wahyu 1:10

Asi endo ipasombayang, yaku kinawasa i Roh i Casuruan wo palinganku an somoiku awéan manuwu' in taangko' keli, tanu in téngéna in terompét.

Kisah Para Rasul 16:7

An tutuw éra icateka'o am pesupuan i Misia wo em Bitinia, séra mepé' muntep im Bitinia, taan pinéro i Roh i Yesus séra e maangé am bitu.

Kisah Para Rasul 11:12

Wo icua i Roh Le'nas a yaku, ‘Mangéo mewali-wali wo iséra. Tioo ko marua-rua wasa mandé séra ra'ica tou Yahudi.’ Kelinga in itu, yaku wo sé enem poow sé maémano anio', mewali-wali mangé ang Kaisarea. Icateka' mangé am bitu, kami muntep am balé i Kornelius.

Kisah Para Rasul 8:29

Wo icua i Roh Le'nas a si Filipus, “Rumuruo mangé ang keréta itu!”

Lukas 4:1

An tutuw i Yesus tumela'u in doyongan Yordan, Sia kinawasa i Roh Le'nas. Wo iwali i Roh Le'nas an tana' kapayasan.

Lukas 2:22

Imayo en témpona si Maria meresi in owak tanu ing kanaramen kumiit in ukum Torat. Ampa'paano in itu si Maria wo si Yusuf mangé an Yerusalem e méma' in atoran itu. Iwali éra ka'i si Toyaang teké'pé' itu en isarakan a si Amang Kasuruan.

Matius 4:1

Kekawus in itu si Yesus iwali i Roh Le'nas an tana' kapayasan em pangepé'an i kikiiten é sétang.

Lukas 2:28

An tutuw sérén i Simeon séra, kala'usenna mangé ing kume'kep si Yesus teké'pé' itu wo sia marayo-rayo si Amang Kasuruan. Icuana,

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.