Lukas 19:38 - En Taar Weru a nunuwu' é Tontemboan

³⁸ Icua éra, “Rayoo Sia si mai tanu Kolano si mai ang karapi i ngaran i Amang Kasuruan! Kita pineeluro wo si Amang Kasuruan si an sorga wo rayoo wo siriino Sia asi tampa Rumangka-rangka'!”

Lukas 19:38 Referans Kwoze

Lukas 13:35

Ampa'paan in ituo, eng kotamu itela'u oka wo mamuali oka lulu in tou. Icua-Ku ai camu, Yaku ra'io kaséréan iow. Taan asi orasna, sérén iow oka Aku wo icua miow, ‘Irayoo mangé Sia si mai ang karapi ngaran i Amang Kasuruan.’ ”

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

Efesus 1:12

Anaé, icami sé tou Yahudi eng kataré-taré maarap a si Kristus, ro'na rumayo Sia ampa'paan wangko' eng kawasa-Na.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

Efesus 1:6

Ampa'paan in ituo, irayoo mangé si Amang Kasuruan, ampa'paan tinambéran-Nao mai in upus wangko' ai cita sé meesa wo si Yesus Kristus, Toyaang si paupu-upus-Na keli.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Kolose 1:20

Wo ampa'paan si Kristus ituo, akar émaan i Amang Kasuruan pakasa sé ang kayo'baan wo sé an sorga meeluran sumawel wo Sia. Niéma'-Na pakasa ro'na meeluran sumawel wo Sia, ampa'paano in enda' i Kristus si maté ang kayu salip.

Efesus 3:21

Si Amang Kasuruanke' si parayo wo pasiriin an uner é jamaat ampa'paan kita meesao wo si Yesus Kristus. Irayoo mangé Sia akar a sé tara-taranak akar ing kauré-uré. Ulit!

Efesus 3:10

Em basa-Na en tumuru' im pawasa-wasan ing kapinteran-Na si wangko' itu a sé malaékat sé maperénta wo sé makakawasa an sorga. Wo eng kapinteran-Na intarépé' icua oka é jamaat ai séra.

Matius 2:2

Séra memué-muéi, “Am bisa Sia, si colano é tou Yahudi si makatoué' itu? Sinéréo ami si sumesendot-Na a micona wo kami mai eng kumundu en sumiri' Sia.”

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’