Lukas 18:31 - En Taar Weru a nunuwu' é Tontemboan

³¹ Li'usen i Yesus sé sangapulu' rua murit-Na wo icua-Na ai séra: “Intarépé' kita maangé an Yerusalem wo pakasa sé aipatic é nabi andumoro' si Toyaang i Tou, mamuali oka a Yaku a mangé mbitu.

Lukas 18:31 Referans Kwoze

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Lukas 9:51

An tutuw matawio in oras i Yesus icaangkai an sorga, pinusé'-Nao sapaoka Sia maangé an Yerusalem.

Lukas 9:22

Kumawus in itu icua i Yesus ka'i, “Si Toyaang i Tou musti sumangkum oka ing kelian kawenduan wo Sia ra'ica tinerima é matu'a é tou Yahudi, sé kikiiten é imam wo sé makailek wutul in Torat. Sia patén éra oka, taan asi endo katelu touen sumawel i Amang Kasuruan.”

Markus 8:9

Eng kakeli éra wona' epat ngariwu tou. Wo iru'du' i Yesus séra im baya maréng.

Matius 27:63

icua éra, “Tuang gubernur, kinata'néian amio, an tutuw si mengasélé'kow itu menonou, sumangkumo icua-Na in tana'i, ‘Kekawus in telu ngando Aku imaté, Yaku tumou oka sumawel.’

Lukas 10:30

Wo isowat i Yesus maké in andéan, “Awéan esa tou tuama Yahudi an Yerusalem wo mio' an Yerikho. An uner in lalan, sia meta'up wo sé perampok. Wo sia pangkuren é perampok akar i misio maté wo andéten éra waya em paali-alinna wo itela'u éra sia an lalan itu.