Lukas 16:3 - En Taar Weru a nunuwu' é Tontemboan

³ Wo si tou mengaurus in doit itu memero-merot in tana'i, ‘Sapa e musti émaanku intarépé'? Yaku tawio yento' i tuangku an tawoien mengaurus in doitna. Sa macol aku ra'ica makawoo, sa aku mangile-ngilek, kalawiin oka mai.

Lukas 16:3 Referans Kwoze

2 Tesalonika 3:11

Icua ami en anio' ampa'paan liningao ami sapaoka an uner iow awéan sé tou weles, ra'ica kiim tumawoi. Séra itu masalé'ke' marambé-rambét in urusan é tou walina.

Kisah Para Rasul 3:2

Am bitu awéan papalen wangko', si pengatuulen ‘Papalen Loor’. Am papalen wangko' itu, awéan si esa tuama eng ketounake' mai késo'. Susur in endo si tuama itu pengawuléngen é tou weta' am bitu wosama' sia ro'na mangile-ngilek a sé tou sé mauntep ang kintal im Balé Le'nas.

Yohanes 9:8

Taan sé katana'na wo sé tou walina sé makakeli-keli mengaséré isia indior mangile-ngilek, séra membum-buéien, “Ra'ica réén sia si tou si meluku-lukutke' wo mangile-ngilek?”

Lukas 18:4

Uré-uréanke' si akim itu ra'ica kiim tumawang si wéwéné balu itu. Taan ang kasomoianna si akim itu memero-merot in tana'i, ‘Mandé aku ra'ica maindé' a si Amang Kasuruan wo ra'ica mengasiri' sé tou,

Lukas 16:22

Wo si Lazarus itu maté wo sia iwali mangé é malaékat lumukut an diit i Abraham an sorga. Si tou siya' itu ka'i maté wo sia cubur é tou.

Lukas 16:20

Wo awéan ka'i esa tou lengéi makangaran Lazarus. En owakna wuta im péla' wo aitekel an dior im papalen im balé i tou siya' itu.

Lukas 12:17

Wo sia memero-merot an untep in aténa tana'i, ‘Ra'io awes em paumunganku im bua'na in tinanem, sapa e musti émaanku?’

Markus 10:46

Si Yesus wo sé murit-Na icateka'o ang kota Yerikho. An tutuw éra maya' kumesot ang kota itu, keli en tou makiit iséra. An tutuw éra i mawaya', awéan esa tou wola si makalukut wo mangile-ngilek an tembir in lalan. E ngaran i tou itu Bartimeus, toyaang i Timeus.

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Matius 20:8

An tutuw tawio imuntep si yéndo, icua i makauma itu a si mandorna, ‘Towano mai waya sé tou itumawoi wo wérano mio' en laasa éra, tumo'tol asé tou sosomoi mangé itumawoi akar asé tou imangé kataré-taré.’

Lukas 16:2

Wo towanna si tou mengaurus in doit itu wo icuana, ‘Pinalingakuo sapaoka ko asaloke' menga'pu-nga'pu in doitku, ampa'paano in itu intarépé' iwééo mai a yaku pakasa sé andumoro' in tawoienmu maurus in doitku. Ampa'paan ko ra'- io toro murus in doitku.’

Lukas 16:4

O, kailekanku en émaanku sa. Wosama' sa aku yento' an tawoien mengaurus in doit, yaku musti mangéré karapi e masalé' tumerima yaku am balé éra sa.’