Lukas 16:13 - En Taar Weru a nunuwu' é Tontemboan

¹³ Si esa ata tantu ra'ica toro tumawoi a sé rua tuang. Ampa'paan sa tanu siitu, icasuutna oka si esa tuang wo mengaupus si tuang walina. Kuma'pa, sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Lukas 16:13 Referans Kwoze

Matius 6:24

Ra'ica wana esa tou ka'i e ro'na tumawoi a sé rua tuang. Ampa'paan sa tanu siitu, icasuutna oka si esa tuang wo icaupusna si tuang walina, kuma'pa sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Lukas 14:26

“Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

Lukas 11:23

Si séi si ra'ica kiim mewali-wali wo Yaku, sia masundur Yaku, wo si séi si ra'ica kiim sumémbong lumi'us sé tou mai a Yaku, sia mengaéma' sé tou mentan-tanéan.”

Lukas 16:9

Icua-Ku ai camu, pakéno mangé eng kasiyaan ing kayo'baan anio' en tumawang sé tou e makéré karapi, wosama' sa eng kasiyaan iow maka'puo, kamu teriman oka am paento'an an sorga, si ento'an iow akar ing kauré-uré.

Matius 4:10

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Lukas 9:50

Taan icua i Yesus ai séra, “Ra'ica toro kamu méro sia, ampa'paan si tou ra'ica masundur icamu, sia itu marapit ai camu.”

Lukas 16:12

Wo sa kamu ra'- ica toro pengatokéan e murus ing kasiyaan é tou walina, si séi e masalé' tumoké in sapake' mangé ai camu e mamuali anu miow?