Lukas 16:10 - En Taar Weru a nunuwu' é Tontemboan

¹⁰ Si tou ro'na tokéan in tawoien teké', sia ka'i ro'na tokéan in tawoien wangker. Taan si tou ra'ica toro tokéan in tawoien teké', sia ka'i ra'ica toro tokéan in tawoien wangker.

Lukas 16:10 Referans Kwoze

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Lukas 19:17

Wo icua i tuang itu a si ata itu, ‘Wutu-wutul loor e niéma'mu itu. Ico ata loor wo le'tek. Ampa'paan ko ro'na tinokéan in tawoien teké', anaé wéanku ko kawasa e merénta sangapulu' kota.’

Matius 25:23

Wo icua i tuangna, ‘Loor ulit e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' in tawoien teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Ibrani 3:2

Sia le'tek mengaéma' in tawoien si aitantuo i Amang Kasuruan ai Sia, meputé ka'i wo si Musa indior le'tek mengaéma' in tawoienna tanu kikiiten é tou Israel.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Yohanes 13:27

Keterima i Yudas i roti itu, en aténa rinasuko i kikiiten é sétang. Icua i Yesus ai sia, “Sapa si casalé'mu émaan, kala'useno taré émaan.”

Yohanes 13:2

An tutuw i Yesus wo sé murit-Na ang karoro'an i makan im bengi, si kikiiten é sétang icumewito im basa léwo' an até i Yudas Iskariot toyaang i Simon wosama' kumianat a si Yesus.

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.