Lukas 15:27 - En Taar Weru a nunuwu' é Tontemboan

²⁷ Isowat i ata itu, ‘Si tuarimu maréngo mai sumawel wo si amangmu rumu'du' mokol sapi wo'bas kemel, ampa'paan kinéréannao si toyaangna ang karapi in owak sama'.’

Lukas 15:27 Referans Kwoze

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.

Kisah Para Rasul 22:13

Sia mai rumuru a yaku wo kumua tana'i, ‘Saulus, poowku maémano, suméréo sumawel ko!’ An tutuw ituke', yaku ro'nao suméré sumawel wo tuméinteng sia.

Kisah Para Rasul 9:17

Kekawus ako in itu, si Ananias mangé am balé pakaento'an i Saulus wo muntep angé mbitu. An tutuw sia meta'up wo si Saulus wo sia maro ing kamana am bawo in do'kos i Saulus wo icuana, “Saulus poowku, si Apo' Yesus e rumu'du' yaku mai am bia'i wosama' ko ro'na suméré sumawel wo ka'i kawasan i Roh Le'nas. Siao en sinérému an uner in lalan tutuwmu mai am bia'i.”

Lukas 15:30

Si toyaang i amang itu kuma'puo ing kasiyaan i amang ang karapi é wéwéné sundal. Taan an tutuw sia maréngai, si amang mokol sapi wo'bas kemel iwéé ai sia!’

Matius 22:4

Wo iru'du'na ka'i sumawel sé atana walina, icuana, ‘Mangéo icua a sé tou sé nienotkuo itu, sapaoka em pésta kawéng tu'tulo waya. Tanumai sama'na é sapi tuama wo sé binatang kemel papiaranku siniwoo waya wo aituliro am bawo i méja. Ampa'paan in itu towano waya séra mai am pésta anio'.’

Lukas 15:26

Kumawus in itu towanna esaan asé ata itu wo mamuéi ai sia, ‘Sapa réén e mamuali am baléku?’

Lukas 15:28

Kelinga in itu, si toyaang luluna anio' mae'bow akar sia ra'- ica kiim muntep am balé. Wo si amangna kumesot, lepéienna sia wosama' muntep.