Lukas 14:26 - En Taar Weru a nunuwu' é Tontemboan

²⁶ “Sa si esa tou uli-ulit kumiit Yaku, sia musti uli-ulit maupus Yaku lumébémai ing kaupusanna a si amangna wo si inangna, a si penanaan i tuama, a sé toyaangna, a sé poo-poowna wéwéné kuma'pa tuama wo ka'i lumébémai ing kaupusanna an owakna in esa. Sa sia ra'ica mengaupus Yaku tanu siitu, sia ra'ica toro mamuali murit-Ku.

Lukas 14:26 Referans Kwoze

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Yohanes 12:25

Taniitu ka'i wo icamu, si séike' e menonou asaloke in owakna in esa, ra'ica kéréanna eng katouan akar ing kauré-uré. Taan si séi si méé ing katouanna asi cayo'baan anio' eng kumiit Yaku, sia menonou oka akar ing kauré-uré.

Filipi 3:8

Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Wahyu 12:11

Wo sé poo-poowta an esa paémanen itu kumala sia ang karapi in enda' i Toyaang i Domba wo ampa'paan sé nunuwu' ing kasairian éra. Séra ra'io mengaupus in owak éra in esa mandé ka'i meta'up im papaté.

Roma 9:13

Tanu in aipatic ang Kitap Le'nas tana'i: “Si Yakub icaupus-Ku, taan si Esau icasuut-Ku.”

Lukas 14:25

Asi makasa, keli en tou mawaya' makiit si Yesus. Wo Sia maréng in somoi wo kumua,

Lukas 14:20

Wo sé walina icumua ka'i, ‘Makakawéngé' aku, anaé aku ra'ica icaangé.’