Lukas 14:18 - En Taar Weru a nunuwu' é Tontemboan

¹⁸ Taan pakasa sé tou nienot, esa wo si esa icumélongke'. Si cataré kumua, ‘Mekiampung aku ra'ica maangé ampa'paan aku makatelesé' uma weru, anaé mangékupé' sérén en uma itu.’

Lukas 14:18 Referans Kwoze

Lukas 18:24

Kailekano i Yesus en até i tou itu wendu keli, ampa'paan in itu icua-Na ai sia, “Susa keli si tou siya' muntep ang Kakolanoan i Amang Kasuruan.

2 Timotius 4:4

Séra ra'ica kiim luminga in sususuien wutul i Casuruan, taan masalé'ke' luminga in sisisilen sé asalo niéma' é tou.

Yohanes 5:40

taan ra'ica kiim iow mai a Yaku e makéré ing katouan akar ing kauré-uré.

Yohanes 1:11

Sia mai a sé tou-Na Yahudi taan Sia ra'ica tinerima éra.

Lukas 8:14

En lulumbo irumongkor an tana' pengatowan in dukut tutunéan, ayandé sé tou ilumingao in Taar i Amang Kasuruan, taan séra maindé-indé'ke' andumoro' ing katouan éra wo masalé'ke' menonou ang kasiyaan wo ang kaaruian asi kayo'baan anio'. Pakasa en itu méma' im paémanen éra ra'ica keter meputé wo in lulumbo ra'ica mengawéé wua'na loor.

Ibrani 12:16

Matéi-téiro mangé wosama' ra'ica wana esaan ai camu sé mengaéma' andumoro' sé sundal wo ra'io masiri' si Amang Kasuruan meputé wo si Esau, si mangkér in hakna tanu toyaang luluna ampa'paan in esa piring kakanen.

2 Timotius 4:10

Ampa'paan si Kreskes imangém ang Galatia wo si Titus imangémo an Dalmatia. Wo aku aitela'uo ka'i i Demas, sia imangémo an Tesalonika ampa'paan sia masalé-salé'ke' sé andumoro' ing kayo'baan.

Lukas 14:17

An tutuw em pésta itu tumo'tolo, iru'du'na sé atana mangé kumua a sé tou nienotna tana'i, ‘Mayoo ampa'paan pakasa tu'tulo.’

Lukas 14:19

Sé walina icumua, ‘Mekiampung aku ra'ica maangé, ampa'paan aku makatelesé' lima par sapi, anaé mangékupé' yepé' itawoi sé sapi itu.’

Filipi 3:4

En ulitna yaku ro'na mamangén asi sapa sé kaséréan. Sa awéan tou maanggap sia in esa ro'na mamangén asi sapa sé kaséréan, yakupé' en lumébémai wo isia.