Lukas 13:35 - En Taar Weru a nunuwu' é Tontemboan

³⁵ Ampa'paan in ituo, eng kotamu itela'u oka wo mamuali oka lulu in tou. Icua-Ku ai camu, Yaku ra'io kaséréan iow. Taan asi orasna, sérén iow oka Aku wo icua miow, ‘Irayoo mangé Sia si mai ang karapi ngaran i Amang Kasuruan.’ ”

Lukas 13:35 Referans Kwoze

Yohanes 12:13

Séra mindo in lala-lalaina im palem, wo mangé sumungkul si Yesus ang karapi in suara taangko', “Hosana! Irayoo Sia si mai ang karapi i ngaran i Amang Kasuruan. Irayoo si Colano é Israel!”

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Lukas 21:24

Sé tou itu awéan sé patén oka in sa'bel wo awéan ka'i sé tangkaan mamuali tawanan wo paalin oka a negara-negara é tou ra'ica Yahudi. Wo en Yerusalem anio' mai oka tongkaren é bangsa ra'ica makatuus si Amang Kasuruan wo kawasan éra akar malekep en témpo aitantu-Na ai séra.”

Matius 23:37

“Éi tou Yerusalem! Pinaté miow sé nabi, wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Lukas 19:41

An tutuw i Yesus makatawio in Yerusalem wo sérén-Na eng kota itu wo amé'an-Na.