Lukas 13:33 - En Taar Weru a nunuwu' é Tontemboan

³³ Mandé ka'i in taniitu, asi endo anio', woondo wo asi endo katelu, Yaku musti lumala'us im bawaya'-Ku maangé an Yerusalem. Ampa'paan tumo'tolke' mai indior akar intarépé', ra'ica kawisa sé nabi pinaté ang kesot in Yerusalem.

Lukas 13:33 Referans Kwoze

Lukas 9:53

Taan sé tou asi roong itu ra'ica kiim tumerima si Yesus, ampa'paan em paangéan i Yesus maangé an Yerusalem.

Matius 21:11

Isowat é tou keli sé makiit si Yesus, “Sia itu si nabi Yesus a Nazaret owo si ang Galilea!”

Kisah Para Rasul 13:27

Sé tou maento' an Yerusalem wo ka'i sé kikiiten éra ra'ica makatuus si Yesus, ampa'paan in ituo séra meesa wosama' Sia ukuman patén. Anaé, linekepo éra sapa sé ipakua é nabi andumoro' Sia si pemaca-macan iow susur in endo Sabat.

Matius 20:18

“Intarépé' kita maangé an Yerusalem. A mangé mbitu si Toyaang i Tou isarakan oka a sé kikiiten é imam wo sé makailek wutul in Torat wo wéan éra oka Sia ukuman patén.

Yohanes 11:54

Ampa'paan in itu, si Yesus ra'io mapaturu-turu' ka'i a sé tou keli an uner é tou Yahudi. Itela'u-Na en Yerusalem wo Sia mangé ang kota makangaran Efraim si menduruan wo en tana' kapayasan. Sia mento' am bitu mewali-wali wo sé murit-Na.

Yohanes 9:4

Ang karoro'an in endopé' musti émaanta en tawoien si aiwéé i Amang Kasuruan si mutusai Yaku. Sa imawengio, ra'io ka'i wana esaan tou e ro'na tumawoi.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Kisah Para Rasul 10:38

Kailekan iow ka'i sapaoka si Amang Kasuruan imééo i Roh Le'nas wo eng kawasa-Na a si Yesus tou Nazaret, Sia mangé am bisa-wisa wo méma' sé loor wo sumama' pakasa in tou sé kinawasao i kikiiten é sétang ampa'paan si Amang Kasuruan mewali-wali wo Sia.

Yohanes 12:35

Icua i Yesus ai séra, “Ra'io uré en témpona en sendot itu mewali-wali wo icamu. Anaé, maya'o mangé ang karoro'an en sendot itu awéané' wosama' eng kariréimbengan ra'ica kumawasa icamu. Si séiké' mangé si mawaya' ang kariréimbengan, ra'io kailekanna am bisa en angéanna.

Yohanes 11:9

Isowat i Yesus ai séra, “Ra'ica réén an sangando eng kauréna sangapulu' rua jam? Sé tou mawaya' an tutuw in endopé', eng kécéina ra'ica icasu'su' ampa'paan sia makaséré in sendot ing kayo'baan anio'.