Lukas 13:17 - En Taar Weru a nunuwu' é Tontemboan

¹⁷ En aisowat i Yesus itu, iméma' sé kaséké'-Na wutu-wutul malawi' taan sé tou walina masalé-salé' isuméré pakasa sé kakaya'kaan niéma' i Yesus.

Lukas 13:17 Referans Kwoze

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.

2 Timotius 3:9

Mandé ka'i séra mepé'o tumawér sé tou, taan séra ra'ica makawoo tumawér sé tou itu. Mengu ré-uré kaséréano wutul é tou sapaoka séra itu ra'ica makailek in sapa-sapa, puté ka'i wo indior sé tou isuméréo si Yanes wo si Yambres ra'ica makailek in sapa-sapa.

Kisah Para Rasul 4:21

Kelinga in itu, sé tou an sidang itu makarepetke' taré mangindé' si Petrus wo si Yohanes. Taan iwekar éra sé rua ruru'du'an itu ampa'paan ra'ica kailekan éra sapa en ukuman iwéé ai séra wo ka'i maindé' a sé tou keli am bitu sé marayo-rayo si Amang Kasuruan ampa'paan si tou késo' si masama'o itu.

Lukas 20:40

Ampa'paano in itu ra'io wana ai séra em brani mamuéi in sapake' mangé a si Yesus.

Lukas 19:48

Taan ra'ica kailekan éra tumambisa e maté si Yesus, ampa'paan pakasa en tou masalé' mengalinga in sususuien-Na.

Lukas 18:43

Asi témpo ituke', si tou wola itu makala'uso maséré wo kumiit si Yesus ang karapi i marayo-rayo si Amang Kasuruan. Pakasa sé tou isuméré ing kinamamualian itu marayo-rayo ka'i si Amang Kasuruan.

Lukas 14:6

Taan ra'ica wana esaan ai séra makawoo sumowat a si Yesus andumoro' in itu.

Titus 2:8

An tutuw ko masusui, musti pakénmu sé nunuwu' wutul wo sumoma wosama' ko ra'ica iséro' é tou. Wo in taniitu sé kaséké'mu malawi', ampa'paan ra'ica wana en andumoro' sé ra'ica loor ai cita sé ro'na ipemaa-maar oka éra.