Lukas 12:50 - En Taar Weru a nunuwu' é Tontemboan

⁵⁰ Sangkumen-Ku oka eng kawenduan uter akar Aku maté wo Aku ra'- ica makaaté in sama' sa en itu ra'ipé' mamuali.

Lukas 12:50 Referans Kwoze

Yohanes 19:30

Keepé'-Na in anggor esem itu, icua-Na, “Malekepo!” Wo icuru-Na en do'kos wo isarakan-Na e mu'kur-Na.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 7:10

Taan kekawus é poo-poow i Yesus mangém an Yerusalem en tuma'néi in endo wangko' itu, si Yesus mangé ka'i ang karapi i maene-enep akar ra'ica kinailekan é tou.

Kisah Para Rasul 20:22

Intarépé' aku maangém an Yerusalem ampa'paan airu'du' i Roh Le'nas. Ra'ica kailekanku sapa e mamuali a yaku a mangé mbitu.

Yohanes 18:11

Taan icua i Yesus a si Petrus, “Iwaléo mio' sumawel en sa'belmu itu. Aitantuo i Amang-Ku wosama' sangkumen-Ku eng kawenduan. Tioo pakala-kalaanmu Aku mendam ing kawenduan itu.”

Matius 3:6

Séra mai mangaku ing kamesé-meséaan éra, wo baptisen i Yohanes séra an doyongan Yordan.

Lukas 12:49

“Yaku mai e méma' sé tou maéman a Yaku wo sé tou ra'- ica maéman a Yaku meréndér. En itu meputé Aku mangkil in api ang kayo'baan anio' wo casalé'-Ku en api itu membungo.