Lukas 12:17 - En Taar Weru a nunuwu' é Tontemboan

¹⁷ Wo sia memero-merot an untep in aténa tana'i, ‘Ra'io awes em paumunganku im bua'na in tinanem, sapa e musti émaanku?’

Lukas 12:17 Referans Kwoze

Matius 5:42

Sa awéan tou e mangilek sapake' mangé ai camu, iwééo mio' sapa em pinangilekna. Wo tioo icélong iow sa awéan tou e masalé' miram sapake' ai camu.”

1 Yohanes 3:16

Kailekanta en upus wutul asi Kristus owo. Aiwéé-Nao en owak-Na akar imaté toronata. Ampa'paan in ituo kita musti méé in owakta akar imaté torona é poo-poowta.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Kisah Para Rasul 16:30

Kumawus in itu wali i capala im bui séra in dua wo kumua, “Tuang-tuang, sapa réén e musti émaanku wosama' aku ro'na malowir?”

Lukas 19:17

Wo icua i tuang itu a si ata itu, ‘Wutu-wutul loor e niéma'mu itu. Ico ata loor wo le'tek. Ampa'paan ko ro'na tinokéan in tawoien teké', anaé wéanku ko kawasa e merénta sangapulu' kota.’

Lukas 18:22

Kelinga in itu wo icua i Yesus ai sia, “Awéané' esa e musti émaanmu: Iwangkéro waya eng kasiyaanmu wo iwété-wéténgo mio' en itu a sé tou lengéi wo in taniitu kéréanmu oka eng kasiyaan an sorga. Kumawus in itu mayoo wo kumiito mai Yaku.”

Lukas 16:9

Icua-Ku ai camu, pakéno mangé eng kasiyaan ing kayo'baan anio' en tumawang sé tou e makéré karapi, wosama' sa eng kasiyaan iow maka'puo, kamu teriman oka am paento'an an sorga, si ento'an iow akar ing kauré-uré.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Lukas 16:3

Wo si tou mengaurus in doit itu memero-merot in tana'i, ‘Sapa e musti émaanku intarépé'? Yaku tawio yento' i tuangku an tawoien mengaurus in doitna. Sa macol aku ra'ica makawoo, sa aku mangile-ngilek, kalawiin oka mai.

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

Lukas 12:29

Anaé, tioo kamu maindé-indé' wo ra'io makaaté in sama' andumoro' in sapa eng kanen oka miow kuma'pa en elepen oka miow.

Lukas 12:22

Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow.

Lukas 11:41

Ampa'paan in ituo iwééo mio' sapa sé ai camu en tumawang sé tou lengéi. An tutuw iow iméma' in tanu siitu, pakasa waya uli-ulit maweresi.

Lukas 10:25

Asi makasa, awéan esa tou si makailek wutul in Torat tumulung wo mangepé' a si Yesus. Wo wuéienna a si Yesus, “Guru, sapa si musti émaanku e makéré ing katouan akar ing kauré-uré?”

Lukas 3:11

Isowatna, “Si séi sé makaanu rua karai, si karai esa musti iwééna a si tou ra'ica wana karai wo si séi si makaanu ing kakanen, musti mengawéténg ing kakanen a sé tou sé ra'ica wana kakanen.”

Matius 16:7

Kelinga in itu, séra memero-merot wo mengkung-kuanan a si esa wo sé walina, “En itu aicua-Na, ampa'paan kita ra'ica imaali roti.”

Lukas 12:16

Wo icua i Yesus esa andéan ai séra, “Awéan esa tou siya', sia makauma niusewan in tinanem mengawéé wua'na kumeli-keli.

Lukas 12:18

Wo werotenna ka'i sapa en émaanna, ‘O si anioo en émaanku! Eganku oka em paumungan im bua'na in tinanem itu wo itoorku sumawel si lébé wangkerai. Asi tampa itu umunganku oka waya im béné' wo im barang-barangku walina.