Lukas 11:9 - En Taar Weru a nunuwu' é Tontemboan

⁹ Ampa'paan in ituo icua-Ku ai camu: Mangileko mangé wo kamu wéan oka. Éréno, wo kamu makéré oka. Tuméngkoro, wo em papalen wukaan oka torona miow.

Lukas 11:9 Referans Kwoze

Markus 11:24

Ampa'paan in ituo icua-Ku ai camu, sapake' en aisombayang wo em pinangilek iow a si Amang Kasuruan, percayano sapaoka en itu tinerimao miow wo en itu kéréan oka miow.

Matius 21:22

Anaé, sapake' em pangileken iow an sombayang wo uli-ulit percayan iow, tantu sapa em pinangilek iow teriman iow oka.”

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:7

Sa kamu menonou meesa wo Yaku wo en taar-Ku an untepo in até miow, mangileko mangé sapake' en icasalé' miow, wo teriman oka miow sé pinangilek iow.

Yohanes 14:13

Wo sapake' em pangileken iow a ngaran-Ku, émaan-Ku oka en itu wo si Amang-Ku ro'na iparayo-rayo wo pasiri-siriin ampa'paan Aku Toyaang-Na.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Yakobus 5:15

Sa séra sumombayang wo maéman a si Casuruan, tantu en sakit i tou itu masama'. Wo sa si tou itu méma'o ing kamesé-meséaan, sia ampungan oka.

Ibrani 4:16

Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

Yohanes 4:10

Isowat i Yesus ai sia, “Sa raké' woo kailekan i inang sapa si casalé' iwéé i Amang Kasuruan wo makailek si séi réén Aku si mangilek woo elepen, tantu si inang mangilek oka a Yaku, wo iwéé-Ku oka a si inang en dano si mawéé ing katouan.”

Matius 6:29

Icua-Ku mangé ai camu, eng kasiyaan i Salomo ra'io icakua, taan sia ra'ica kawisa mekarai tanu ing kapasung im bungang itu.

2 Korintus 6:2

Ampa'paan icua i Amang Kasuruan, “Asi témpo si sinisir-Kuo, ico lininga-Kuo, wo asi endo ing kalowiran, ico tinawang-Kuo.” Ta'néien iow sumama-sama', asi ya'sa anioo en témpo sinisir i Amang Kasuruan itu. Wo asi ya'sa anioo si endo ing kalowiran torona miow.

Markus 13:37

Sapa en aicua-Ku ai camu, aicua-Ku ka'i a sé pakasa in tou, ‘Matéi-téiro mangé!’ ”

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

Matius 21:31

Anaé, sa iciit icamu, si séi ai séra in dua e méma' ing kasalé'- an i amang éra?” Isowat éra, “Si toyaang luluna.” Wo icua i Yesus ai séra, “En ulitna icua-Ku mangé ai camu, sé matagi im pajak wo sé wéwéné sundal en dior muntep ang Kakolanoan i Amang Kasuruan wo icamu.

Wahyu 2:24

Taan awéané' sé tou walina ai camu an Tiatira sé ra'ica makiit in sususuien i Izebel, wo ra'ica masalé' makailek andumoro' si kikiiten é sétang. Wo ra'ica kiim-Ku méé im pamuléngen walina ai camu

Lukas 11:10

Ampa'paan susur in tou i mangilek tumerima oka, wo susur in tou i mangéré makéré oka, wo susur in tou en tuméngkor im papalen wukaan oka.