Lukas 11:26 - En Taar Weru a nunuwu' é Tontemboan

²⁶ Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré.”

Lukas 11:26 Referans Kwoze

Yohanes 5:14

Kekawus in itu si Yesus meta'up wo si tou itu am Balé Le'nas wo icua-Na ai sia, “Ta'néino mangé, ico imasama'o. Yentoo mio' mengaéma' ing kamesé-meséaan wosama' eng kawenduan si lébé uterai ra'ica pendamenmu sa.”

Matius 12:45

Wo mangéna uwasen sé pitu roh walina sé lumébémai eng kaléwo' wo isia. Wo séra muntep wo mento' am bitu. Sumiwak angé em peri i tou itu lumébéomai eng kaléwo'na asi cataré. Taniitu ka'i e mamuali a sé tou léwo' anio'.”

1 Yohanes 5:16

Sa awéan tou isuméré si poowna mengaéma' ing kamesé-meséaan, wo eng kamesé-meséaan itu ra'ica imakawali si poowna itu am papaté, si tou isuméré in itu musti sumombayang angé a si Amang Kasuruan wosama' si poow itu wéan-Na katouan akar ing kauré-uré. Taan awéan kamesé-meséaan imakawali si tou am papaté. Wo andumoro' si tou mengaéma' ing kamesé-meséaan tanu siitu, ra'ica icuaku sapaoka kita musti sumombayang torona i tou itu.

Matius 23:15

Icawangkuro mio' kamu sé makailek wutul in Torat wo sé tou Farisi! Kamu anio' tou punek. Icamu imaya'o tayang lumangkoi in ta'sic wo ing katanaan asalo i maéré-éré si esa tou eng kumiit in sususuien in agama miow. Taan an tutuw i tou itu icumi- ito in sususuien in agama miow, niéma' miow sia mamuali tou si sumiwak muntep an api ra'ica mape'de-pe'del akar ing kauré-uré, wo eng kaléwo'na makarua lumepet wo ing kaléwo' miow.

Lukas 11:25

Tutuw sia maréng angé am balé itu, sérénna em balé itu kina'isano wo tinu'tulo sumama-sama'.

Lukas 11:27

An tutuw i Yesus manuwu'pé' andumoro' in itu wo awéan esa wéwéné an uner é tou keli itu maangko' mangé a si Yesus, “Pakakamangen si inang e makéréo Toyaang tanu si Amang wo ka'i si sumusuo si Amang.”