Lukas 11:15 - En Taar Weru a nunuwu' é Tontemboan

¹⁵ Taan an uner é tou keli itu awéan e makua, “Sia mengausér sé sétang mapaké ing kawasa i Beelzebul, si kikiiten é sétang itu.”

Lukas 11:15 Referans Kwoze

Matius 9:34

Taan ipakua é tou Farisi, “Si kikiiten é sétang e méé ing kawasa ai Sia e musér sé sétang.”

Yohanes 10:20

“Sia rinasuko i sétang wo imanganga'o! Kéitu réén lingan iow Sia?”

Yohanes 8:52

Wo icua é kikiiten é agama Yahudi ai Sia, “Intarépé' kailekan ami sa Ico anio' rinasuk i sétang! Si Abraham imatéo wo sé nabi ka'i imatéo, taan pakua-Mu si séike' e makiit i nunuwu'-Mu, sia ra'ica maté akar ing kauré-uré.

Yohanes 8:48

Wo isowat é kikiiten é agama Yahudi a si Yesus, “Wutul em pakua ami anio', Ico tou Samaria wo rinasuko i sétang.”

Yohanes 7:20

Isowat é tou keli itu a si Yesus, “Ico rinasuko i sétang akar imanganga'. Ra'ica wana tou en rumaméji e maté Ico!”

Matius 10:25

Loor sa si esa murit mamuali puté wo si guruna wo si esa ata puté wo si tuangna. Sa si makawalé patuulen im Beelzebul, wopé'taré pakasa sé am balé itu, tantu ngaranan oka éra in lébé wurukai.

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 12:22

Kekawus in itu, iwali éra mai a si Yesus si esa tou si rinasuk i sétang. Si tou itu wola wo wowo', wo sia samaan i Yesus akar ro'nao maroma' wo maséré.