Lukas 10:39 - En Taar Weru a nunuwu' é Tontemboan

³⁹ Si Marta awéan esa tuari wéwéné makangaran Maria. Tutuw i Yesus am balé éra, si Maria lumukut an duru ing kécéi i Apo' Yesus wo luminga in sususuien-Na.

Lukas 10:39 Referans Kwoze

Lukas 8:35

Kumawus in itu sé tou ang kota wo an doo-roong an sangkum itu kumesot angé suméré sapa e mamuali. Séra mai a si Yesus wo sérén éra si tou rinasuk i sétang itu imasama'o. Sia makalukut an duru ing kécéi i Yesus wo mekaraio, sia uli-ulit imasama'o ampa'paan in ituo séra maindé'.

Yohanes 12:3

Wo indon i Maria en solo mawou manam sangaperua in liter. En solo itu sosor keli em bééna, niéma' an tinanem si patuulen i narwastu. Wo solon i Maria eng kécéi i Yesus maké in solo itu wo lapenna im buukna. Wo an untep im balé itu wuta im boua in solo itu.

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Lukas 2:46

Telu ngandoo Sia paéré-érén wo ipeta'up éra Sia am Balé Le'nas. Sia makalukut an uner é guru agama Yahudi makalinga wo memuéi-muéi ai séra.

Yohanes 11:1

Awéan esa tou makangaran Lazarus, sia sumakit. Sia maento' an doong Betania mewali-wali wo sé poo-poowna wéwéné si Maria wo si Marta.

Lukas 10:42

En ulitna, si musti émaan iow wayake' in esa. Si Maria isumisiro si loor am bagéanna, si ra'ica toro indon ai sia.”

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.