Lukas 10:34 - En Taar Weru a nunuwu' é Tontemboan

³⁴ Wo sia rumuru mangé a si tou itu wo weresinna in anggor em péla-péla' i tou itu wo ubatenna in solo wo saputenna. Kumawusai in itu isakéna si tou itu asi celedaina wo iwalina mangé an esa walé paloséran wo rawatenna.

Lukas 10:34 Referans Kwoze

Roma 12:20

Anaé, émaano mangé tanu sé aipatic ang Kitap Le'nas, “Sa si kaséké' miow maarem, wéanio' sia kanen. Sa sia maré'- om, wéanio' sia elepen. An tutuw iow méma' in taniitu a sé kaséké' miow, niéma'o miow sia malawi' tanu isumuuno im baa in api an do'kosna.”

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

Lukas 2:7

Wo sia makéré esa toyaang tuama, toyaangna luluna. Wo si toyaang itu saputenna ing kaéng, itekelna am pawa'uban é binatang ampa'paan séra ra'ica imakéré walé in loséran.

Markus 14:8

Si wéwéné anio' iméma'o sapa si ro'na émaanna. Ninaamnao in solo mawou manam en owak-Ku, tanu tumu'tulo i mayat-Ku e mangé icubur.

Lukas 10:33

Taan awéan esa tou Samaria mawaya' lumangkoi am bitu. An tutuw sérénna si tou rinampok itu, mai eng kaupusanna a si tou itu.

Lukas 10:35

Asi woondona mai, si tou Samaria itu méé roit rua dinar a si tou makawalé im paloséran itu, wo icuana, ‘Pekiupusenku rawatenio' sia sumama-sama'. Wo sa en doit itu iongkosmu e rumawat sia ra'ica maawes, wéran owo mio', mai ku oka sawelan an tutuwku maréngai sumawel am bia'i.’ ”