Lukas 10:28 - En Taar Weru a nunuwu' é Tontemboan

²⁸ Wo isowat i Yesus a si tou itu, “En aicuamu itu wutul! Émaanmu waya en itu wo kéréanmu oka eng katouan akar ing kauré-uré.”

Lukas 10:28 Referans Kwoze

Matius 19:17

Wo isowat i Yesus ai sia, “Kéitu réén ko mamuéi a Yaku andumoro' sapa si loor? En loor wayake' in Esa. Taan sa ko masalé' makéré ing katouan akar ing kauré-uré, musti kiitenmu em perénta-perénta i Amang Kasuruan.”

Galatia 3:12

Taan en ukum Torat ra'ica mengatuur am paémanen, taan mengatuur am pengaémaan asé im pakasa in atoran ang karapi i makakii-kiit. Si Amang Kasuruan icumua in tana'i, “Si tou mengaéma' in ukum Torat menonou oka ampa'paan mengaéma' in ukum Torat.”

Roma 10:4

Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 3:19

Taan intarépé' kailekanta sapaoka pakasa sé aipatic an ukum Torat, torona é tou sé menonou pakakawasan in ukum Torat. Wo in taniitu ra'ica wana mandé esake' tou e ro'na méé alasan sapaoka en owakna wutul, anaé pakasa en tou ang kayo'baan meséa' an dior i Amang Kasuruan.

Lukas 7:43

Isowat i Simon, “Sa werotenku, si tou miram roit keli.” Icua i Yesus ai sia, “En aicuamu itu wutul.”

Markus 12:34

Sérén i Yesus si tou itu si sumowat ang karapi ing kapinteran, wo icua-Na ai sia, “Ico tawio mamuali tou i Amang Kasuruan.” Wo ra'io wana ka'i mandé esake' tou em brani mamuéi sapake' mangé ai Sia.

Roma 7:10

wo eng kasiwakana aku maté. En ulitna, en ukum Torat musti makawali ang katouan, taan eng kasiwakana makawalike' taré am papaté.