Lukas 10:20 - En Taar Weru a nunuwu' é Tontemboan

²⁰ Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Lukas 10:20 Referans Kwoze

Wahyu 20:15

Wo pakasa sé tou e ngaran éra ra'ica aipatic an untep ing kitap katouan itu, iténdél an untep in ta'sic api itu.

Wahyu 20:12

Wo kaséréanku sé tou sé pasiri-siriin wo sé tou ra'ica pasiri-siriin sé imatéo, séra makatulung an dior im palukutan pasiri-siriin itu. An tutuw itu pakasa eng kitap winuka', wo winuka' ka'i eng kitap walina siituo eng kitap ing katouan. Wo sé tou imatéo akimen kumiit im pinengaéma' éra si aipatico asé kitap itu.

Wahyu 21:27

Taan sapake' mangé sé najis kuma'pa sé tou mengaéma' sé karican oka mai kuma'pa kotowo ra'ica toro muntep asi kota itu. Sé ro'na muntep asi kota itu, wayake' sé tou e ngaran éra aipatico an untep ing kitap katouan i Toyaang i Domba itu.

Ibrani 12:23

Kamu imayo ka'i am paumungan é toyaang luluna i Amang Kasuruan, e ngaran éra aipatico an sorga. Wo kamu meta'up ka'i wo si Amang Kasuruan, si maakim waya sé tou, wo meta'up ka'i wo sé roh é tou sé nianggap wutul i Amang Kasuruan, sé niéma'o makaleke-lekep.

Wahyu 3:5

Si séi e muntung sia pakéan ing karai tanu siitu. Wo e ngaran i tou itu ra'ica pisin-Ku ang kitap ing katouan, taan pangakun-Ku oka e ngaranna an dior i Amang-Ku wo an dior é malaékat-Na.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Matius 10:1

Asi makasa tinowa i Yesus sé sangapulu' rua murit-Na, wo wéan-Na kawasa séra e musér sé roh-roh léwo' wo sumama' waya in sakit wo sé ra'ica lekep en owak.

Matius 26:24

Si Toyaang i Tou maté oka tanu in aipatic ang Kitap Le'nas andumoro' Sia. Taan icawangkuro mio' si tou sumarakan Sia, aweso taré si tou itu ra'ica aitou ang kayo'baan.”

Matius 27:5

Wo iwangkil i Yudas en doit pérak itu am Balé Le'nas. Wo itela'una en tampa itu wo sia mangé rumantong in owak.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.