Biblia Todo Logo
Bib sou entènèt

- Piblisite -




Kolose 3:5 - En Taar Weru a nunuwu' é Tontemboan

5 Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

Gade chapit la Kopi




Kolose 3:5
34 Referans Kwoze  

Ampa'paan, sa kamu menonou mengakiit ing kasalé'an in owak in esa, kamu makéré oka ukuman icatané a si Amang Kasuruan akar ing kauré-uré. Taan sa yento' miow mengéma-ngéma' ing kasalé'an in owak maké ing kawasa i Roh-Na, kamu menonou oka ang karapi-Na akar ing kauré-uré.


Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.


Wo tioo isarakan iow sé an owak iow mamuali pakakas eng kawasan ing kamesé-meséaan e méma' ing kaléwo-léwo'an. Taan isarakano mio' en owak iow a si Amang Kasuruan ampa'paan kamu ra'io pakakawasaan im papaté wo menonou ang katouan weru. Wo isarakano mio' pakasa sé an owak iow a si Amang Kasuruan em pakén torona méma' in sususuien wutul-Na.


Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.


Tumayango mangé i mengéma-ngema' in cabul! Eng kamesé-meséaan walina sé pengaémaan é tou, ra'ica wana eng kasiwakan an owakna. Taan si tou mengaéma' in cabul, sia méma'o ing kamesé-meséaan si awéan eng kasiwakan an owakna in esa.


Séra ra'io mengalawi', akar pengakiitan éra pakasa sé kasalé'an in owak sé ra'ica wutul wo ra'ica masuut mengaéma' sé karican oka mai.


Em paindé-indé'ku an tutuwku maai sa, yaku iwawa' i Amang Kasuruan an dior iow wo aku mawendu ampa'paan kelian sé an uner iow indior sé mengaéma' ing kamesé-meséaan wo ra'ipé' mape'dis mengéma-ngéma' sé karican, mengabersina, wo mengaéma' ing kasalé'an in owak sé ra'ica wutul.


Taan sé tou toloindé' mengasairi andumoro' i Yesus, sé tou ra'ica maéman, sé tou mengaéma' ing kaléwo-léwo'an sé karican oka mai, sé tou mengapaté tou, sé tou mengasundal, sé tou mengasihir, sé tou mengaapo' a sé opo-opo' wo pakasa sé tou kotowo, séra im baya yuntep oka an untep in ta'sic api walélang si mengembu-ngembung. Si anioo em papaté karua.”


taan an owakku awéané' kawasa walina mapetokol wo ing kasalé'anku eng kumiit in ukum i Amang Kasuruan itu. Ang kasomoiana aku rinantéo ing kawasa ing kamesé-meséaan si an untep in owakku.


Ampa'paan an até owo lumembo mai waya em bewerot léwo', mengapaté tou, mengasina, mengacabul, mengarombit, mengasairi in towo wo mengaojat.


Sé tou makaperi tanu sé asu wo sé mengasihir, sé mengasundal, sé mengapaté tou, sé mengaapo' a sé opo-opo', wo sé masalé' mengatowo wo mengaéma' in towo, séra musti mento' ang kesot ing kota itu.


Kéitu réén kamu meindo-indoan roma' wo meréndé-réndéran? Ra'ica réén ampa'paan ing kasalé-salé'an sé ra'ica loor imapetokol an owak iow?


Awéan ka'i makua, “Eng kakanen torona im poot wo em poot torona ing kakanen,” rua-rua itu terin oka i Amang Kasuruan. Si aicua miow itu wutul. Taan mandé ka'i en owak é tou terin oka, ra'ica toro pakén iow en owak e méma' in cabul. Taan pakéno en owakta asaloke' in sumelewir a si Amang Kasuruan, ampa'paan en owakta piniara-Na.


Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.


Pakasa in tou musti sumiri' ing kawéng wo sé mempenanaan musti le'tek esa wo si esa. Ukumen oka i Amang Kasuruan sé tou sundal wo sé tou mabersina.


Matéi-téiro mangé wosama' ra'ica wana esaan ai camu sé mengaéma' andumoro' sé sundal wo ra'io masiri' si Amang Kasuruan meputé wo si Esau, si mangkér in hakna tanu toyaang luluna ampa'paan in esa piring kakanen.


Si anioo waya eng kasalé'an i Amang Kasuruan: menonouo mangé toronake' Sia, menonou le'nas wo ra'ica mengabersina.


Poo-poow, awéan sé tou mai cumua a yaku sapaoka awéan tou an jamaat iow manaramo mengaéma' in cabul. Si tuama itu mengacabul ang karapi i penanaan i amangna karua. Sédangkan taré si tou ra'ica maéman a si Amang Kasuruan ra'- ica mengaéma' tanu siitu.


Ampa'paan, indior kita menonoué' makiit ing kasalé'anta sé léwo'. An tutuw itu kita pakakawasané' ing kasalé'an léwo' itu, wo kailekanta en itu suméa' ampa'paan aipatic an ukum Torat, taan eng kasalé-salé'an itu tatap matawoi an owakta akar kita méma' ing kamesé-meséaan si makawali cita am papaté.


En até éra wuta ing kabengisan wo wuta ing kaléwo'an. Séra wuta ing kalongi'an wo ing kawurukan, wuta im panganaten, masalé' mengapaté tou, masalé' meindo-indoan roma', tampenguwak wo ra'ica makiit ing kasalé'an i Amang Kasuruan.


Ampa'paano séra mengaéma' in taniitu, akar séra iwaya i Amang Kasuruan kumiit ing kasalé'an in owak éra sé kalawiin keli. Sé wéwéné ra'io kiim tumekel mewali-wali ang karapi é tuama tanu ing kanaramen, taan masalé-salé'ke' tumekel mewali-wali ang karapi é kakélé éra wéwéné.


Tioo kamu menonou kumiit ing kasalé'an in owak sé ra'ica wutul, wayake' sé tou ra'ica makatuus si Amang Kasuruan si mengaéma' in tanu siitu.


Indior awéan piraan tou an uner iow makaperi tanu siitu ka'i. Taan intarépé' eng kamesé-meséaan iow wineresio i Amang Kasuruan. Kamu niéma'-Nao le'nas wo nianggap-Nao wutul an dior-Na ampa'paan kamu maémano a si Apo' Yesus Kristus wo ka'i ampa'paan ing kawasa i Roh i Amang Kasuruanta.


Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.


Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.


Tioo kamu mamuali ata in doit, taan sapa sé awéano ai camu atoren sumama-sama' en itu aweso ai camu. Ampa'paan si Casuruan icumuao, “Ico ra'ica kawisa iwekar-Ku, wo ico ra'ica kawisa itela'u-Ku.”


Swiv nou:

Piblisite


Piblisite