Kolose 3:1 - En Taar Weru a nunuwu' é Tontemboan

¹ Poo-poow, si Kristus itumouo sumawel, anaé kamu sé maéman ai Sia tanuoka aitou sumawel ang katouan weru mewali-wali wo Sia. Ampa'paano in itu rumaméjio mangé kamu mangéré andumoro' sé an sorga. Asi tampa itu si Kristus makalukut ang kakan i Amang Kasuruan.

Kolose 3:1 Referans Kwoze

Roma 8:6

Sa em pakawerot é tou pakakawasané' ing kasalé'an in owak in esa, eng kasiwakana makéré im papaté. Taan sa em pakawerot é tou pakakawasan i Roh i Amang Kasuruan, eng kasiwakana makéré oka ing katouan wo ing kaeluran.

Matius 6:33

Anaé, pangérén owo eng Kakolanoan i Amang Kasuruan wo eng kasalé'an-Na, wo pakasa em paperlun iow itu yawes-Na oka ai camu.

2 Korintus 4:18

Anaé, ra'ica iwéé ami an dékén sé ro'na kaséréan, taan sé ipawéé ami an dékén sé ra'ica kaséréan. Sé kaséréan itu itumang asalo in ang karoro'anke', taan sé ra'ica kaséréan itu tatap akar ing kauré-uré.

Kolose 3:2

Anaé, weroteno mangé in andumoro' sé an sorga wo tioo memero-merotke' in andumoro' sé ang kayo'baan.

Matius 6:20

Taan umungeno eng kasiyaan iow an sorga, si ra'ica léwoon é lolondi wo in taincéré' wo ra'ica egan é rombit e rombiten.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Lukas 12:33

Iwangkéro mio' eng kasiyaanmu wo en doit itu iwééo mio' a sé tou lengéi! Sa émaan iow tanu siitu, meputéo kamu méma'o im paumungan ing kasiyaan si ra'- ica maléwo' wo awéan akar ing kauré-uré. Siituo eng kasiyaan si ayéma' miow an sorga, si ra'ica rombiten é tou wo ka'i ra'ica léwoon é lolondi.

Ibrani 1:3

Asi Toyaang-Na ituo ro'na kaséréanta e rarayo wo in sisiri' i Amang Kasuruan, Siao em paséréan im peri wo ing kawasa i Amang Kasuruan in esa, Siao ka'i e makatéir im pakasa sé ang kayo'baan ang karapi in Taar-Na si wuta ing kawasa. Wo Siao ka'i e meresi ing kamesé-meséaan é tou, kekawus in itu Sia mangé an sorga wo lumukut ang kakan i Amang Kasuruan si Makakawasa, asi tampa irumangka-rangka'.

Lukas 22:69

Taan tumo'tol asi oras anio' si Toyaang i Tou lumukut oka ang kakan i Amang Kasuruan si Makakawasa.”

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Ibrani 8:1

Si penting keli asé im pakasa sé pepaarenta anio', sapaoka kita makaanu Imam Wangko' si ra'io cakua si makalukut ang kakan im palukutan pasiri-siriin i Amang Kasuruan si Mangko-wangko' an sorga.

Roma 8:34

Ra'ica wana tou e ro'na méé séa', ampa'paan bélan oka i Kristus Yesus an dior i Amang Kasuruan. Sia imatéo torona icita wo tinou sumawel, wo makalukut ang kakan i Amang Kasuruan wo mekiupus torona icita.

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Efesus 4:10

Sia si tumumpao mai ang kayo'baan itu, Siao ka'i si sumosoro mangé an tampa si lébé rangka' mai am pakasa in langit, wosama' em baya-waya sé ang kayo'baan wo sé an sorga ang kakawasaan-Na.

Markus 14:62

Wo isowat i Yesus, “Yakuo Sia. Kaséréan iow oka si Toyaang i Tou makalukut ang kakan i Makakawasa, wo mai an dangka' ing kambung-kambung an langit.”

Ibrani 1:13

Wo si Amang Kasuruan ra'ica kawisa mako kumua a sé malaékat meputé si aicua-Na a si Toyaang-Na, “Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku am palara ing kécéi-Mu.”

Kisah Para Rasul 2:34

Si Daud in esa ra'ica icaangkai angé an sorga, taan taré sia icumuake' tana'i, ‘Si Amang Kasuruan icumua a si Tuangku:

Lukas 20:42

Ampa'paan sia in esa imatico ang kitap Mazmur andumoro' i Kristus tana'i, ‘Si Amang Kasuruan icumuao a si Tuangku tana'i: Lumukuto mai asi tampa pasiri-siriin ang kakan-Ku

Markus 16:19

Makanuwu' mako si Apo' Yesus a sé murit-Na, Sia icaangkai angé an sorga wo lumukut ang kakan i Amang Kasuruan.

Markus 12:36

Ampa'paan si Daud an tutuw kinawasa i Roh Le'nas kumua: Si Amang Kasuruan cumuao a si Tuangku tana'i, ‘Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

1 Petrus 3:22

Intarépé' si Yesus Kristus imangém an sorga wo lumukut ang kakan i Amang Kasuruan. Wo pakasa sé malaékat, pakasa sé makakawasa wo pakasa ing kaketeran, pakasa in itu an darem ing kakawasaan-Na.

Kisah Para Rasul 7:55

Taan si Stefanus si kinawasao i Roh Le'nas, kumanat angé an langit wo kaséréanna eng kawangko' i Amang Kasuruan wo si Yesus makatulung ang kakan-Na.

Matius 22:44

‘Si Amang Kasuruan icumuao a si Tuangku in tana'i: Lumukuto mai asi tampa pasiri-siriin ang kakan-Ku, akar sé kaséké'-Mu iweta'-Ku an darem im palara ing kécéi-Mu.’

Efesus 5:22

Éi wéwéné sé kinawéngo, lume'te-le'teko mangé a si penanaanmu, meputé kamu le'tek a si Casuruan.