Kolose 2:12 - En Taar Weru a nunuwu' é Tontemboan

¹² Ampa'paan an tutuw iow nibaptis, kamu tanu aicuburo mewali-wali wo si Kristus. Wo ang karapi im baptisan itu, kamu ka'i tinou sumawel mewali-wali wo Sia, ampa'paan kamu maéman asi kawasa i Amang Kasuruan si tumou sumawel si Kristus an uner é tou imaté.

Kolose 2:12 Referans Kwoze

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

Galatia 3:27

Kamu im baya imeesao wo si Kristus ampa'paan nibaptis ang karapi i ngaran-Na, anaé eng katouan iow meputéo wo ing katouan i Kristus.

Kisah Para Rasul 2:24

Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Roma 4:24

taan aipatic ka'i torona icita im baya. Kita nianggap wutul i Amang Kasuruan, ampa'paan kita maéman ai Sia si tumou sumawel si Yesus Apo'ta an uner é tou imaté.

Efesus 4:5

Kita ka'i makaanu esa Kasuruan, esa em paémanen, esa em baptisan,

Efesus 2:8

Ampa'paan kamu linowir in upus aitambér i Amang Kasuruan an tutuw iow maéman. Eng kalowiran itu asalo aitambér i Amang Kasuruan, ra'ica wuéna im pakasa sé loor sé pinengaéma' miow.

1 Korintus 15:20

Taan en ulitna sapaoka si Kristus tinouo sumawel an uner é tou imatéo. Siao eng kumataré-taré tinou sumawel, taniitu ka'i sé tou maéman sé imatéo, touen oka ka'i sumawel.

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Filipi 1:29

Ampa'paan kamu tinambérano mai ing kamang i Amang Kasuruan ra'ica asaloke' maéman a si Kristus taan ka'i imawendu ampa'paan maéman ai Sia.

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Efesus 3:7

Si Amang Kasuruan itumambéro mai ing kamang a yaku en sumelewir Sia e mengakua in Abar Kaaruien itu. Wo tinerimaku en tawoien itu ampa'paan ing kawasa-Na si matawoi an owakku.

1 Korintus 12:13

Taniitu ka'i kita im baya, mandé ka'i kita tou Yahudi kuma'pa tou ra'ica Yahudi, ata kuma'pa tou ra'ica pakakawasan é tou walina, kita im baya nibaptis i Roh Le'nas si meputé, wosama' kita émaan esa owak. Wo kita im baya ka'i sumangkumo mai ing kamang a si Roh Le'nas si makaleke-lekep itu.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Lukas 17:5

Wo sé sangapulu' rua ruru'du'an itu kumua a si Apo' Yesus, “Guru, keterenai em paémanen ami!”

Kisah Para Rasul 2:32

Si Yesus anioo si tinou sumawel i Amang Kasuruan. Wo icamio im baya e mamuali sairi andumoro' in itu.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

Kolose 2:13

Indior kamu tanu imatéo, ampa'paan kamu mengaéma'pé' ing kamesé-meséaan wo ampa'paan ra'ica sinunat iciit in atoran é agama Yahudi. Taan intarépé' kamu tinouo sumawel i Amang Kasuruan mewali-wali wo si Kristus, kekawus im pakasa ing kamesé-meséaanta niampungan-Na.