Ibrani 9:9 - En Taar Weru a nunuwu' é Tontemboan

⁹ En itu tanu andéan ai cita sé menonou asi oras anio': raragés binatang pinokol wo raragés walina si aiwéé a si Amang Kasuruan, ra'ica ro'na méma' in até weresi é tou mamuali lekep ampa'paan e méé im paragés itu.

Ibrani 9:9 Referans Kwoze

1 Petrus 3:21

Si sonop wangko' an tutuw itu, andéan im baptisan intarépé'. Em baptisan itu pengatuus sapaoka kamu linowiro i Amang Kasuruan ampa'paano tinou-Na sumawel si Yesus Kristus. Em baptisan itu ra'ica i meresi sé kotor an owak iow, taan i mangilek a si Amang Kasuruan wosama' en até miow weresi.

Ibrani 5:1

Susur i imam wangko' si sinisir an uner é tou, sia niangkai en sumelewir a si Amang Kasuruan mamuali kasawel é tou. En tawoienna mengawéé i raragés binatang pinokol wo raragés walina a si Amang Kasuruan ampa'paan ing kamesé-meséaan.

Roma 5:14

Mandé in taniitu, pakasa en tou tumo'tolai an jaman i Adam akar an jaman i Musa, kinawasao im papaté. Mandé ka'i sé tou itu ra'ica iméma' ing kamesé-meséaan tanu si niéma' i Adam, séra ka'i kasake' i maté. Si Adam aipeputé wo Sia si maai oka sa, Sia ituo si Kristus.

Ibrani 11:19

Ampa'paan paweroten i Abraham sapaoka sa si Ishak maté, tantu sia touen sumawel i Amang Kasuruan. Wo an tutuw si Amang Kasuruan tumu'tulo domba iragés isawel si Ishak, si Abraham tanuoka itumerima sumawel si Ishak am papaté.

Ibrani 10:11

Indior si esa wo si esa imam mengaéma' in tawoienna susur in endo wo menguri-nguri mengawéé binatang pinokol si meputé a si Amang Kasuruan. Wo em iparagés pawéé éra itu, ra'ica toro misi ing kamesé-meséaan é tou.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Ibrani 7:11

An tutuw é suku Lewi mamuali imam, si Amang Kasuruan méé mai in ukum Torat a sé tou Israel. Mandé ka'i sé imam taranak i Lewi mengaéma' in tawoien éra mengatuur an ukum Torat, taan em pakaselewir éra ra'ica ro'na méma' sé tou mamuali lekep an dior i Amang Kasuruan. Anaé, musti awéan imam walina kaputé i Melkisedek, wo ra'ica imam asé taranak i Lewi kaputé imam Harun.

Galatia 3:21

Si Amang Kasuruan in esa e méma' in janji-Na, sa taniitu, mensunduran réén en ukum Torat itu wo in janji-Na? Wutu-wutul ra'ica. Sa en ukum Torat méé ing katouan a sé tou, séra ro'na nianggap wutul an dior-Na ampa'paan mengaéma' in ukum Torat.

Ibrani 8:4

Sa Sia ang kayo'baan, tantu Sia ra'ica mamuali imam, ampa'paan ang kayo'baan awéano sé imam mengawéé i raragés iciit in atoran an ukum Torat.