Ibrani 9:26 - En Taar Weru a nunuwu' é Tontemboan

²⁶ Ampa'paan sa si Kristus menguri-nguri maragés in owak, tantu tumo'tolke' mai eng kayo'baan niéma' Sia musti menguri-ngurio masangkum ing kawenduan. Taan asi endo-endo ka'kapuan ing kayo'baan anio' Sia mai wayake' i makasa e rumagés in owak-Na in esa en tumu'bus ing kamesé-meséaan é tou.

Ibrani 9:26 Referans Kwoze

1 Petrus 1:20

Si Kristus sinisiro i Amang Kasuruan an tutuw eng kayo'baan anio' ra'ipé' niéma'. Wo matawio ing kaka'puan ing kayo'baan anio', Sia imayo ang kayo'baan wosama' kamu im baya ro'na makéré ing kalowiran an ukuman ing kamesé-meséaan.

Ibrani 9:12

Si Kristus muntep asi Kamar Lume'na-le'nas an ténda pengaapo'an makasake' torona ing kauré-uré. An tutuw itu Sia ra'ica maali in enda' i mémbé' tuama kuma'pa in enda' i ana' i sapi, taan em pinaali-Na enda'-Na in esa en tumu'bus ing kamesé-meséaanta akar ing kauré-uré.

Matius 25:34

Wo si Toyaang i Tou si tanu Kolano itu kumua oka a sé tou ang kakan-Na, ‘Mayo sumusuto mai kamu sé kinamango i Amang-Ku! Muntepo mai ang Kakolanoan si aitu'tulo ai camu tumo'tolai eng kayo'baan anio' niéma'.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

Ibrani 1:2

Taan asé endo kaka'puan ing kayo'baan anio', si Amang Kasuruan maroma' ai cita mengapaké si Toyaang-Na in esa. Wo ampa'paano i Toyaang-Na anio', eng kayo'baan wo pakasa sé an untepna émaan i Amang Kasuruan. Wo aitantu-Nao sapaoka si Toyaang-Na awéan kaloasan makaanu im pakasa sé niéma'-Na itu.

Ibrani 10:4

Ampa'paan en enda' i sapi tuama wo en enda' i mémbé' tuama uli-ulit ra'ica ro'na misi ing kamesé-meséaan é tou.

Ibrani 7:27

Si Yesus ra'ica meputé wo sé imam wangko' walina, si susur in endo musti meméé-méé i raragés binatang pinokol torona ing kamesé-meséaan éra in esa wo ka'i torona ing kamesé-meséaan é tou éra. Sia iméé i raragés makasake' torona ing kauré-uré, an tutuw-Na irumagés in owak-Na in esa.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

Ibrani 10:12

Taan si Kristus si Imam Wangko'ta méé in owak-Na pinaté makasake' torona ing kaampungan ing kamesé-meséaan akar ing kauré-uré. Kumawus in itu Sia lumukut ang kakan i Amang Kasuruan.

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

Ibrani 9:14

Anaé, sa en enda' wo en awu é binatang itu ro'na meresi in tou, lébé-lébépé' ka'i en enda' i Kristus! En enda'-Na ro'na lume'nas in até weresita asi mengéma-ngéma' sé ra'ica wana en torona, wosama' kita ro'na maapo' a si Amang Kasuruan si menonou. Ampa'paan si Kristus imééo in owak-Na in esa a si Amang Kasuruan tanu raragés si makaleke-lekep, ampa'paano ing kawasa i Roh i Amang Kasuruan si menonou akar ing kauré-uré.

1 Petrus 2:24

Sia in esa imuléngo ing kamesé-meséaanta an owak-Na, an tutuw-Na imaté ang kayu salip. Wo in taniitu kita icawekar asi kawasa ing kamesé-meséaan, wo menonou e méma' ing kasalé'an i Amang Kasuruan. Sé péla-péla'-Na ituo e iméma' icita masama'.

Wahyu 17:8

Si binatang si sinérému itu, indior awéan taan intarépé' ra'io wana. Wo sia mapaturu' oka ang kepal im papaté wo sia maangém am papaté. Sé tou i menonou ang kayo'baan e ngaran éra ra'ica aipatic an untep ing kitap ing katouan tumo'tolai eng kayo'baan anio' niéma', séra mangaya-ngaya'ka' oka an tutuw suméré si binatang itu, ampa'paan si binatang itu indior awéan taan intarépé' ra'io wana, taan mapaturu' oka sumawel.

Ibrani 4:3

Taan wayake' icita sé maéman e ro'na muntep asi tampa pengaenaan e mena' mewali-wali wo si Amang Kasuruan. Wo andumoro' sé tou walina aicua i Amang Kasuruan tana'i, “Ang karapi in e'bow isumpa-Ku, ‘séra ra'ica toro muntep asi tampa pengaenaan e mena' mewali-wali wo Yaku.’ ” Si Amang Kasuruan icumua in taniitu, mandé en ulitna en tampa pengaenaan itu tinu'tulo tumo'tolke' mai eng kayo'baan anio' niéma'-Na.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

1 Korintus 10:11

Pakasa sé mamuali ai séra itu, mééo tuus ai cita. Wo pakasa en itu aipatic e méé tata'néi ai cita. Ampa'paan kita intarépé' menonou an oras imatawio ing kaka'puan ing kayo'baan.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Ibrani 10:26

Ampa'paan sa kita makaileko in sususuien wutul asi Amang Kasuruan wo kita metutu'ke' taré mengéma-ngéma' ing kamesé-meséaan, ra'io wana ka'i raragés binatang pinokol em patu'bus ing kamesé-meséaan,

Galatia 4:1

Em peangé-angénku tana'i: En andéanna, awéan esa tou makéré oka im bagéan asi amangna. Taan sa sia toyaangé', sia ra'ipé' toro makéré im bagéan itu mandé ka'i sia awéan hak e makéré in itu. Sia kaputépé' wo si esa tou ata si ra'ica wana hak e makéré im bagéan asi tuangna.

Yohanes 17:24

O Amang, icasalé'-Ku wosama' sé tou sé aisarakan i Amang a Yaku awéan mewali-wali wo Yaku asi tampa angéan-Ku. Icasalé'-Ku taniitu wosama' ro'na kaséréan éra e rarayo wo en sisiri'-Ku, siituo e rarayo wo en sisiri' si aiwééo i Amang a Yaku ampa'paan si Amang mengaupuso Yaku an tutuw ra'ipé' niéma' eng kayo'baan anio'.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Matius 13:39

Si kaséké' si muras in lulumbo ing kuung, siao si kikiiten é sétang. En oras imaupu' siituo en endo kaka'puan ing kayo'baan wo sé tou imaupu' itu, sérao sé malaékat.

Matius 13:40

Anaé, kaputé ing kuung itu niumung wo tunun an api, taniituo ka'i e mamuali asi endo kaka'puan ing kayo'baan.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Yohanes 3:8

Taan si séi si mengéma-ngéma'pé' ing kamesé-meséaan, sia itu anu i kikiiten é sétang, ampa'paan si kikiiten é sétang itu tumo'tolke' mai indior mengéma-ngéma' ing kamesé-meséaan. Taan si Toyaang i Amang Kasuruan maai en tumeri im pakasa sé pengaémaan i kikiiten é sétang.