Ibrani 9:18 - En Taar Weru a nunuwu' é Tontemboan18 Tanu siituo ka'i em perjanjian kataré si niéma' i Amang Kasuruan wo sé tou Israel. Si perjanjian kataré itu ka'i ra'ica toro pakén sa ra'ica wana enda'. Gade chapit la |
Anaé, sa en enda' wo en awu é binatang itu ro'na meresi in tou, lébé-lébépé' ka'i en enda' i Kristus! En enda'-Na ro'na lume'nas in até weresita asi mengéma-ngéma' sé ra'ica wana en torona, wosama' kita ro'na maapo' a si Amang Kasuruan si menonou. Ampa'paan si Kristus imééo in owak-Na in esa a si Amang Kasuruan tanu raragés si makaleke-lekep, ampa'paano ing kawasa i Roh i Amang Kasuruan si menonou akar ing kauré-uré.
Ampa'paan indior ipakakua mako i Musa pakasa sé perénta an ukum Torat a sé tou Israel, wo sia mindo in enda' i ana' i sapi wo enda' i mémbé' tuama wo pekemunna in dano. Sia mindo wuuk i domba réindang matu'a, iwa'kesna an hisop wo ito'to'na an enda' itu. Wo ipesicna ang kitap Torat wo a sé im pakasa é tou Israel.