Ibrani 9:10 - En Taar Weru a nunuwu' é Tontemboan

¹⁰ Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Ibrani 9:10 Referans Kwoze

Kolose 2:16

Ampa'paano in itu, tioo iwaya miow sé tou méé kaséaan ai camu, ampa'paan kamu ra'ica makiit in atoran é agama Yahudi andumoro' ing kakanen wo in elepen, kuma'pa andumoro' in endo-endo wangko', serap weru kuma'pa in endo Sabat.

Efesus 2:15

Ampa'paan eng kepaté-Na tanu tou, en atoran-atoran wo em perénta-perénta an ukum Torat binatal-Nao wosama' sé tou Yahudi wo sé tou ra'ica Yahudi mamuali esa bangsa weru, si meesa ang karapi-Na. Tanu siituo si Kristus iméma' ing kaeluran.

Ibrani 7:16

Si Imam walina itu mamualio Imam ra'ica mengatuur asé atoran in tou, taan Sia mamuali Imam ampa'paan makaanu ing kawasa ing katouan si ra'ica ro'na maka'pu.

Ibrani 10:22

Ampa'paan in itu mayoo kita rumuru mangé a si Amang Kasuruan ang karapi in lekep en até wo uli-ulit maéman ai Sia. Ampa'paan en atéta wineresio in enda' i Kristus akar male'nas asi kaléwo'anta, wo en owakta tanuoka winu'asano in dano weresi.

Ibrani 9:1

Asi perjanjian kataré si niéma' i Amang Kasuruan ang karapi é tou Israel, awéan atoran-atoran andumoro' i mengaapo' wo im paapo'an le'nas si niéma' in tou.

Ibrani 6:5

wo sumangkumo makailek sapaoka en Taar i Amang Kasuruan itu loor wo sumangkumo mepé' mai ing kawasa i Amang Kasuruan si kawasa ang kayo'baan weru sa,

Ibrani 2:5

Ra'ica sé malaékat em binéan i Amang Kasuruan kawasa e merénta ing kayo'baan weru sa, si ang karoro'an im papaarenta anio'.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

Galatia 4:9

Taan intarépé' Sia kinatuusano miow, kuma'pa lébé loor kamu patuulen katuusano i Amang Kasuruan. Kéitu réén kamu masalé'ke' maréng sumawel sumelewir a sé roh ing kayo'baan sé ra'ica keter wo lengéi? Kéitu réén kamu masalé'pé' mengaata in owak a sé roh itu?

Markus 7:4

Wo ka'i sa séra maréngai am pasar, séra ra'ipé' toro kuman sa ra'ipé' imeresi in owak. Keliané' ka'i eng kanaramen walina sé pengatimboien éra in sama', tanu mai mu'as ing gelas, tampayang wo sé pakakas tambaga wo ka'i em patekelan.

Ibrani 7:12

Sa en atoran mengaangkai imam roban, tantu pakasa en ukum Torat ka'i musti maroba.