Ibrani 8:9 - En Taar Weru a nunuwu' é Tontemboan

⁹ Wo em perjanjian weru itu ra'ica meputé wo im perjanjian uré si niéma'-Ku a sé apo-apo' éra an tutuw éra paakinen-Ku kumesot an tana' Mesir. Séra ra'ica menonou makiit in atoran asi perjanjian si niéma'-Ku, ampa'paan in ituo séra ra'ica pandungen-Ku.

Ibrani 8:9 Referans Kwoze

Galatia 4:24

En anio' asalo andéan: sé rua wéwéné itu ayandé tanu rua perjanjian i Amang Kasuruan. Si wéwéné kataré si Hagar, sia ayandé tanu ing kuntung Sinai am bisa en ukum Torat aiwéé. Si Hagar itu puté wo si inang é pakasa in tou sé imamuali ata in ukum Torat.

Markus 8:23

Timboian i Yesus eng kama i tou wola itu, wo iwali-Na sia ang kesot in doong. Wo ruraan-Na em beren i tou itu wo iweta'-Na eng kama-Na am beren i tou itu, wo wuéien-Na ai sia, “Awéano en sinérému?”

Kisah Para Rasul 13:11

Intarépé', sérén, ico ukumen oka i Casuruan, ico mawola oka wo piraan ngando ko ra'io toro suméré in sendot i yéndo.” Asi témpo ituke', si Baryesus mawola akar sia maya' maéré-éré oka tou e makin sia.

Kisah Para Rasul 9:8

Wo si Saulus tumulung wo muka' im berenna taan sia ra'io makaséré in sapa-sapa. Anaé, sia musti akinen éra e muntep an Damsyik.

Kisah Para Rasul 7:36

Iwali i Musa sé tou Israel kumesot an tana' Mesir, wo méma' ing kakaya'kaan wo tuu-tuus sé ra'io icakua an tana' Mesir, an Ta'sic Réindang wo an tana' kapayasan epat ngapulu' ngata'un eng kauréna.