Ibrani 8:8 - En Taar Weru a nunuwu' é Tontemboan

⁸ Taan indior sérén i Amang Kasuruan séra awéan kaséaan e ra'ica makiit in atoran asi perjanjian kataré, akar Sia kumua ai séra in tana'i, “Uli-ulit maai oka en témpona, émaan-Ku oka esa perjanjian weru ang karapi é tou Israel wo sé tou Yehuda.

Ibrani 8:8 Referans Kwoze

Ibrani 12:24

Wo kamu mai meta'up ka'i wo si Yesus, si maali mai im perjanjian weru i Amang Kasuruan a sé tou. Wo mai ka'i asi enda' im perjanjian weru si makatiti-titis e méé ing kaampungan ing kamesé-meséaan a sé tou. Sa taniitu en enda' i Yesus en lébé awéan wééna wo in enda' i Habel, ampa'paan en enda' i Habel si makatiti-titis asaloke' in sumuli' im pinanganat i Kain.

Ibrani 9:15

Ampa'paan in ituo, pinaalio mai i Kristus em perjanjian weru, wosama' sé tou sé tinowao i Amang Kasuruan makéré oka bagéan si akar ing kauré-uré asi janji-Na. Sé tou ro'na makéré im bagéan si akar ing kauré-uré ampa'paan si Kristus imatéo wo tumu'bus ing kamesé-meséaan sé pinengaéma' éra an tutuw im perjanjian kataré pengapakéné'.

2 Korintus 3:6

Siao e méma' icami makawoo imamuali maselewir sé makua in esa perjanjian weru a sé tou. Em perjanjian itu ra'ica an ukum sé aipatico indior, taan asi Roh i Amang Kasuruan owo. Ampa'paan en ukum aipatic itu sa ra'ica kiiten, makawali am papaté, taan e Roh i Amang Kasuruan mawéé ing katouan.

1 Korintus 11:25

Taniitu ka'i, kumawus ako séra icuman roti, indon i Apo' Yesus em paelepan in anggor wo icua-Na a sé murit-Na. “En anggor an untep im paelepan anio' tanu perjanjian weru si nisahkano in enda'-Ku. Susur iow melep in anio', émaano mangé en anio' en tuma'néi Yaku.”

Lukas 22:20

Taniitu ka'i kekawus ing kuman i roti, indon-Na ka'i em paelepan si tinuasan-Nao in anggor wo iwéé-Na ka'i ai séra, wo kumua, “En anggor am paelepan anio', tanu im perjanjian weru i Amang Kasuruan wo sé tou, si nisahkan in enda'-Ku si aituas akar i maka'pu en lumowir icamu.

Markus 14:24

Icua-Na ai séra, “Si anioo en enda'-Ku, enda' im perjanjian si aituas torona é tou keli.

Lukas 17:22

Wo cua i Yesus a sé murit-Na, “Maai oka en témpona sa, kamu masalé' keli suméré si Toyaang i Tou mandé sangandoke' taan Sia ra'ica kaséréan iow.

Matius 26:28

Ampa'paan si anio' en enda'-Ku, si enda' perjanjian si aituas torona ing kaampungan ing kamesé-meséaan é tou keli.

Ibrani 7:22

Ampa'paan an sumpa i Amang Kasuruan itu, si Yesuso e mamuali petaru asi perjanjian si lumoorai asi perjanjian indior si niéma' i Amang Kasuruan a sé apo-apo' é tou Israel.

Ibrani 8:6

Taan intarépé' si Yesus imakéréo tawoien tanu imam si lébé iparayo wo pasiriin wo in tawoien é imam indior. Ampa'paan Sia maali mai im perjanjian si lumoorai wo im perjanjian uré, ampa'paan si Amang Kasuruan ijumanjio andumoro' sé lébé loorai.

Ibrani 8:13

Anaé, ampa'paan si Amang Kasuruan makua in andumoro' in esa perjanjian weru, kaséréano wutul sapaoka em perjanjian kataré nianggap ra'io mapaké. Wo sapa si ra'io mapaké wo ilumangkoio makala'us oka maka'pu.

Lukas 5:38

Anaé, en anggor weru musti ipumpun asi papumpunan in anggor weru.