Ibrani 7:3 - En Taar Weru a nunuwu' é Tontemboan

³ En andumoro' i Melkisedek anio' ra'ica wana en sisisilen si séi si amang wo si inangna, wo si séi sé apo-apo'na, wo kawisa eng ketouna wo kawisa eng kepaténa. Anaé, sia kasake' mamuali imam akar ing kauré-uré, kaputé i Toyaang i Amang Kasuruan.

Ibrani 7:3 Referans Kwoze

Ibrani 7:17

Ampa'paan ang Kitap Le'nas awéan kasairian andumoro' Sia in tana'i, “Icoo si Imam akar ing kauré-uré, kaputé i Melkisedek.”

Ibrani 7:6

Mandé ka'i si Melkisedek ra'ica taranak i Lewi, taan sia tumerima sangapepulu' asi Abraham wo kumamango sia, mandé ka'i si Abraham itumerimao in janji i Amang Kasuruan.

Matius 4:3

Wo si kikiiten é sétang mai wo kumua, “Ampa'paan Ko Toyaang i Amang Kasuruan, peréntano sé watu anio' wosama' mamuali roti.”

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 7:1

Si Melkisedek anio' kolano ang kota Salem wo imam i Amang Kasuruan Si Rumangka-rangka'. An tutuw i Abraham maréngo mai am paperangan icumala sé kolano, si Melkisedek en sumungkul wo ing kumamang isia.

Ibrani 7:2

Wo iwéé i Abraham a si Melkisedek sangapepulu' asé im pakasa sé kinaandétan am paperangan. Eng kaangéan i ngaran i Melkisedek “kolano ra'ica marapit.” Wo sia “kolano ing kaeluran”, ampa'paan sia kolano ang kota Salem eng kaangéanna kaeluran.