Ibrani 5:14 - En Taar Weru a nunuwu' é Tontemboan

¹⁴ Taan eng kakanen keté torona é tou wangkoo, sé makalatio mabéda si wisa en loor wo si wisa en léwo'.

Ibrani 5:14 Referans Kwoze

1 Tesalonika 5:21

Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.

Efesus 1:18

Isombayangku ka'i wosama' wukaan-Na mai en até miow akar kakailekan iow em paarapen si aiwéé-Na an tutuw iow tinowa-Na, wo akar kakailekan iow taloso wangko' eng kasiyaan im bagéan sé aitu'tul-Nao a sé tou le'nas.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

Efesus 4:13

akar kita im baya maesa am paémanen wo makatuus si Toyaang i Amang Kasuruan. Wo an in taniitu, em paémanenta makawangkoo wo menguré-nguré kita mamuali oka kaputé i Kristus.

Filipi 3:15

Ampa'paano itu, mayoo kita sé lekepo em paémanen e mawerot in taniitu. Sa awéan ai camu membalinaan em pakawerot wo yaku andumoro' in itu, ituru' oka i Amang Kasuruan ai camu sapaoka en aicuaku itu wutul.

Roma 14:1

Terimano mangé' si tou ra'ipé' keter em paémanenna wo tioo meindo-indoan roma' wo isia andumoro' in sapa em paémanenna.

Matius 5:48

Ampa'paan in itu, kamu musti lekep, kaputé i Amang iow si an sorga lekep.”

Yakobus 3:2

Kita im baya mengaéma' ing kaséaan am baya-waya. Si tou makawoo tuméir im ba'ba'na akar ra'ica suméa' rumoma', sia itu tou lekep si ro'na kumawasa waya in owakna.

1 Timotius 4:7

Taan tumayang angé a sé tou sé masisil in sisisilen sé asalo niéma' é tou wo in sisisilen ra'ica wana torona. Aweso taré penganaramenmu sumama-sama' en owakmu mengaapo' a si Amang Kasuruan.

Ibrani 6:1

Ampa'paan in ituo, mayoo tela'uta em patuuran in sususuien en andumoro' i Kristus wo melala'uso in sususuien si rumangka'mai wosama' em paémanenta makaketer. Tioo penguri-ngurin em patuuran in sususuien itu, tanumai sususuien in andumoro' i mape'dis mengéma-ngéma' in léwo', wo sususuien in andumoro' tumambisa maéman a si Amang Kasuruan,