Ibrani 5:13 - En Taar Weru a nunuwu' é Tontemboan

¹³ Ampa'paan si tou susupé' em paelepen sia kaputé i toyaang teké'pé', anaé ra'ipé' makailek si wisa si wutul wo si wisa si suméa'.

Ibrani 5:13 Referans Kwoze

1 Petrus 2:2

Aweso taré kamu mamualio tanuoka si toyaang si makatoué' wo meré'o-ré'om en sumusu asi inangna, kamu ka'i musti meré'o-ré'- om melep si wutu-wutul susu si nunuwu' i Amang Kasuruan. Ang karapi kamu imelep in itu em paémanen iow a si Amang Kasuruan makawangkoo akar kamu malowir,

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

2 Timotius 3:16

Pakasa en aipatic ang Kitap Le'nas, nunuwu' i Amang Kasuruan owo. Wo pakasa en itu eng katoronaanna: sumusui sé tou, tumuru' ing kameséaan é tou, mutul im peri léwo' é tou, wo sumusui sé tou wosama' menonou wutul an dior i Amang Kasuruan.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

1 Korintus 3:1

Poo-poowku, an tutuwku mewali-wali wo icamu, yaku maroma' ra'ica meputé an tutuwku maroma' a sé tou eng katouanna kinawasao i Roh i Amang Kasuruan. En ulitna aku maroma' ai camu meputé wo aku maroma' a sé tou menonou makiité' ing kasalé'an ing kayo'baan, ampa'paan em paémanen iow a si Kristus meputépé' wo si toyaang teké' susupé' em paelepen.

2 Korintus 3:9

Sa en perjanjian uré imukum sé tou itu taniitu eng kasendotna, tantu eng kasendot im perjanjian weru lébé sendotai si méma' sé tou mamuali wutul an dior i Amang Kasuruan.

1 Korintus 13:11

An tutuwku in toyaangé', em pakanuwu'ku tanupé' im pakanuwu' é toyaang, em papendamenku tanupé' sé toyaang, em pakawerotku tanupé' sé toyaang. Taan an tutuwku imawangkoo, itela'uku em peri in toyaangé' itu.

Markus 10:15

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké' anio', sia ra'ica kawisa muntep ang Kakolanoan-Na.”

Matius 11:25

An tutuw itu si Yesus sumombayang, “O Amang Kasuruan si makakawasa in langit wo ing kayo'baan! Yaku kumua i makapulu'sama' ampa'paan ra'ica aituru' i Amang pakasa sé andumoro' in itu a sé tou sé mengapaké ing kapinteran wo a sé tou pandéi, taan aituru' i Amang a sé tou en aténa tanu toyaangé' teké'.

Roma 2:20

Paanggapen iow sapaoka kamu guru a sé tou bodok wo guru a sé tou ra'ipé' makailek in sususuien wutul. Ampa'paan paanggapen iow sapaoka kamu makaileko in ukum Torat wo maanggap pandéi wo makaileko in sususuien wutul.

2 Yohanes 1:11

Ampa'paan si séike' en tumerima si tou itu wo méé in siri', sia itu iméma'o in léwo' meputé wo si niéma' i tou itu.