Ibrani 4:16 - En Taar Weru a nunuwu' é Tontemboan

¹⁶ Ampa'paan in ituo, mayoo kita ang karapi in da'ica wana eng kaindé'an sumaru im palukutan pasiri-siriin i Casuruan si maturu' in upus tatambér. Wo in taniitu, kawisake' kita mapatawang, tantu wéé-Na oka mai eng kaupusan wo tumambérai in upus en itumawang icita.

Ibrani 4:16 Referans Kwoze

Efesus 3:12

Intarépé' kita ra'io ka'i maindé-indé' rumuru a si Amang Kasuruan, ampa'paan icita maémano a si Kristus Yesus wo meesao wo Sia.

Ibrani 7:25

Ampa'paano in itu si Yesus makawoo lumowir ang karapi in lekep sé pakasa in tou sé aiwali-Na mangé a si Amang Kasuruan, ampa'paan si Yesus menonou akar ing kauré-uré si mekiupus a si Amang Kasuruan torona éra.

Ibrani 13:6

Ampa'paano in itu, icita ra'ica maindé' makua, “Si Amang Kasuruan oka en tumawang yaku, yaku ra'ica maindé'. Ra'ica wana tou e ro'na méma' in sapa-sapa a yaku.”

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.

Efesus 2:18

Ampa'paano i Yesus Kristus, kita im baya tou Yahudi kuma'pa tou ra'ica Yahudi ro'na rumuru a si Amang Kasuruan, Amangta ang karapi in tatawang i Roh Le'nas si esa-esa.

Ibrani 7:19

Ampa'paan en ukum Torat ra'ica ro'na méma' si séike' e mamuali lekep an dior i Amang Kasuruan. Taan intarépé' kita winéano mai i Amang Kasuruan arapan lébé loor, si méma' icita rumuru mangé ai Sia.

Ibrani 9:5

Am bawo ing kekelew im piti perjanjian itu awéan rua patong malaékat makatétéléw si patuulen kerup, tanu tuus sapaoka si Amang Kasuruan iparayo wo pasiriin awéan am bitu. En tétéléw é rua kerup itu makawélar icumungkung ing kekelew im piti, siituo en tampa i Amang Kasuruan mengawéé ing kaampungan ing kamesé-meséaan é tou. Taan intarépé' ra'ica wana témpo en sumisil lébé lambot andumoro' im pakasa in itu.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.