Ibrani 3:5 - En Taar Weru a nunuwu' é Tontemboan

⁵ Si Musa tanu tou si maselewir, sia le'tek maéma' in tawoienna tanu kikiiten é tou Israel. Em pakaselewir i Musa itu mamuali tuus sapa sé icua oka i Amang Kasuruan ai cita sa.

Ibrani 3:5 Referans Kwoze

Ibrani 3:2

Sia le'tek mengaéma' in tawoien si aitantuo i Amang Kasuruan ai Sia, meputé ka'i wo si Musa indior le'tek mengaéma' in tawoienna tanu kikiiten é tou Israel.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Ibrani 8:5

Séra mengaselewir tanu imam an ténda paapo'an en ulitna asalo mamuali patron wo bayangan asé sapa sé an sorga. Ampa'paan an tutuw i Musa masalé' mangun in ténda paapo'an, sia kinuanan i Amang Kasuruan in tana'i, “Musti émaanmu em pakasa iciit im patron si aituru'-Kuo ai co am bawo ing kuntung itu.”

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.

Roma 3:21

Taan intarépé', aituru'o i Amang Kasuruan tumambisa wosama' sé tou anggapen-Na wutul, taan ra'ica ampa'paan mengaéma' in ukum Torat. En itu tanu in aipatic ang Kitap Torat wo ang kitap-kitap é nabi,

Yohanes 5:39

Eng Kitap Le'nas pengati'tiren iow in sumama-sama' ampa'paan paweroten iow ang karapi imaéma' in taniitu kamu makéré oka ing katouan akar ing kauré-uré uré. Wo an untep ing Kitap Le'nas itu awéan aipatic andumoro' si séi Aku en ulitna,

Lukas 24:44

Makakanai Sia wo icua-Na ai séra, “An tutuw-Ku i mewali-walipé' wo icamu, sumangkumo icua-Ku ai camu, sapaoka pakasa en aipatic andumoro' Yaku ang Kitap Torat, ang kitap é nabi wo ang kitap Mazmur, musti mamuali.”

Lukas 24:27

Wo isisil-Na waya ai séra in dua sapa sé aipatic am pakasa ing Kitap Le'nas andumoro' in owak-Na, tumo'tolai ang kitap-kitap aipatic i Musa akar ang kitap-kitap aipatic é nabi walina.

1 Korintus 4:2

Si kumataré-taré en tuntuten ai cita sé mengaselewir, kita musti le'tek a si tuang si méé in tawoien.

Kisah Para Rasul 7:37

Wo si Musa anio' ka'i si icumua a sé tou Israel tana'i, ‘Angkaien oka i Amang Kasuruan esa nabi tanu yaku torona miow, an uner é poo-poow iow.’

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Matius 25:21

Wo icua i tuangna, ‘Wutu-wutul loor e niéma'mu itu. Ico ata loor wo le'tek a yaku. Ampa'paan ko ro'na tinokéan andumoro' sé teké', tokéanku oka ka'i ko andumoro' sé tawoien wangker. Muntepo mai ko wo mayo maaru-arui ang karapiku!’

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

Ibrani 1:1

Indior, penguri-ngurin i Amang Kasuruan maroma' a sé apo-apo'ta mengapaké sé nabi ang karapi i membam-balinaan en carana.

Ibrani 3:4

Susur im balé awéan bas e mangun, taan si mangun im baya waya si Amang Kasuruan in esa.

Wahyu 15:3

Séra makantar ing kakantaren i Musa si ata i Amang Kasuruan wo kakantaren i Toyaang i Domba. Eng kakantaren itu tana'i, “O Amang Kasuruan Si Makakawasa, uli-ulit wangko' wo kakaya'kaan pakasa sé niéma'-Mu! O Kolano pakasa im bangsa. Pakasa sé niéma'-Mu uli-ulit ra'ica marapit wo wutul.