Ibrani 3:3 - En Taar Weru a nunuwu' é Tontemboan

³ Taan si Yesus em patus pengasiriin ilumébé mai wo si Musa, puté si tou mawangun im balé, sia em patus pengasiriin wo taré si walé itu.

Ibrani 3:3 Referans Kwoze

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

Ibrani 2:9

Taan kailekanta sapaoka en itu linekepo i Yesus. Ampa'paan Sia niéma'o wawa' toyo' asé malaékat asi témpo ra'ica talos uré, tutuw Sia imamuali tou. Ampa'paan in upus aitambér i Amang Kasuruan, si Yesus mamuali taniitu torona pakasa in tou. Taan intarépé' niéma'o i Amang Kasuruan Sia Kolano iparayo-rayo wo pasiri-siriin an dangka' im baya-waya ampa'paan Sia isumangkumo mai ing kawenduan akar imaté.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Matius 16:18

Icua-Ku ka'i ai co: Ico si Petrus wo am bawo im batu karang anio' tooran-Ku oka sé jamaat-Ku wo ra'ica kawisa kawasan im papaté.

2 Korintus 3:7

An tutuw em perjanjian uré si makawali am papaté itu aipatic am batu maké im pupulat, en sendot i Amang Kasuruan menéla-nélang an amo i Musa. En télangna itu masendot keli wo kala'meren oka mai akar sé tou Israel ra'ica makawoo suméré in amo i Musa, mandé ka'i en sendot an amona itu meka'pu-ka'puo en télangna. Anaé, sa en perjanjian uré si makawali am papaté itu nisahkan ang karapi in sendot tuméla-télang an amo i Musa,

Ibrani 3:4

Susur im balé awéan bas e mangun, taan si mangun im baya waya si Amang Kasuruan in esa.