Ibrani 3:12 - En Taar Weru a nunuwu' é Tontemboan

¹² Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

Ibrani 3:12 Referans Kwoze

Ibrani 12:25

Ampa'paan in ituo, sa si Amang Kasuruan maroma' ai camu tioo ipakélong. Indior sé tou Israel ra'ica mengalinga in taar i Amang Kasuruan sé ipakua i Musa ai séra ang kayo'baan, akar séra makéré in ukuman. Wopé'taré icita anio', sa kita ra'ica mengalinga in taar-Na si an sorga owo, tantu kita ra'ica icaséip an ukuman.

1 Korintus 10:12

Ampa'paano in itu, si séi e mawerot em paémanenna ketero, sia musti mareti-reti wosama' sia ra'ica taporak méma' ing kamesé-meséaan.

Ibrani 10:38

Sé tou nianggap-Ku wutul menonou oka ampa'paan im paémanen éra a Yaku. Taan sa awéan en an uner éra si tumela'uo Yaku, ra'ica icasalé'-Ku.”

Ibrani 12:15

Mareti-retio mangé oréoka awéan esaan ai camu kumélong in upus aitambér i Amang Kasuruan. Ampa'paan sa awéan tou tanu siitu, sia mamuali tanu in tinanem racung an uner iow akar méma' ing kasusaan wo en racungna luméwo' sé tou keli.

Ibrani 3:10

Siituo e mangémai séra ica'ebow-Ku keli, wo icua-Ku, ‘En até éra mengii-ngiitke' in lalan si mengasélé'kow. Séra ra'ica kiim kumiit in lalan-Ku.’

Markus 13:33

“Mareti-retio wo matéi-téiro mangé, ampa'paan ra'ica kailekan iow kawisa en itu mamuali.

Matius 24:4

Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou.

Markus 13:9

Anaé, matéi-téiro mangé kamu! Ampa'paan kamu tangkaan oka é tou wo isarakan éra an sidang agama wo pangkuren éra am balé paapo'an é agama Yahudi. Iwali éra kamu an dior i gubernur wo a sé kolano ampa'paan kamu makiit Yaku. Asi témpo ituo kamu ro'na kumua a sé tou keli andumoro' in Abar Kaaruien.

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

Roma 11:21

Ampa'paan sa ra'ica icaupus-Na sé panga-pangana aseli, Sia ka'i ra'ica mengaupus icamu.

Lukas 21:8

Isowat i Yesus, “Matéi-téiro mangé kamu, wosama' kamu ra'- ica sélé'kow é tou. Ampa'paan kelian sé tou e maai sa wo mangaku sapaoka séra itu Yaku. Icua éra in tana'i, ‘Yakuo si Kristus!’ Wo icua éra ka'i, ‘En endo kaka'puan ing kayo'baan makatawio!’ Taan tioo percayan iow séra.

Markus 13:23

Anaé, matéi-téiro mangé kamu! Pakasa en anio' aicua-Kuo ai camu.”

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

Ibrani 3:19

Intarépé' kaangéantao sapaoka sé apo-apo'ta indior ra'ica ro'na muntep asi tampa pengaenaan i Amang Kasuruan, ampa'paan séra ra'ica maéman ai Sia.

Ibrani 9:14

Anaé, sa en enda' wo en awu é binatang itu ro'na meresi in tou, lébé-lébépé' ka'i en enda' i Kristus! En enda'-Na ro'na lume'nas in até weresita asi mengéma-ngéma' sé ra'ica wana en torona, wosama' kita ro'na maapo' a si Amang Kasuruan si menonou. Ampa'paan si Kristus imééo in owak-Na in esa a si Amang Kasuruan tanu raragés si makaleke-lekep, ampa'paano ing kawasa i Roh i Amang Kasuruan si menonou akar ing kauré-uré.

Ibrani 10:31

Kaindéén keli sa kita makéré ukuman asi Amang Kasuruan si menonou.

Ibrani 12:22

Taan kamu mayo asi Tolaina in Sion, si Yerusalem an sorga si kota paento'an i Amang Kasuruan si menonou wo sé mariwu-riwu malaékat sé mali'us i masalé-salé'.