Ibrani 2:6 - En Taar Weru a nunuwu' é Tontemboan

⁶ Taan eng kawasa i merénta ing kayo'baan weru itu aiwéé i Amang Kasuruan a si tou. Awéan en aipatic ang Kitap Le'nas icumua in tana'i, “Amang Kasuruan, si séi réén si tou itu akar sia tina'néi-Mu? Si séi réén si toyaang i tou itu akar sia pawéan-Mu rékén?

Ibrani 2:6 Referans Kwoze

Ibrani 4:4

Kailekanta en tampa pengaenaan itu aitu'tulo, ampa'paan ang Kitap Le'nas icumua andumoro' si endo kapitu tana'i, “Asi endo kapitu si Amang Kasuruan mena'o am pakasa in tawoien-Na.”

1 Petrus 1:11

Wo pati'tiren éra ka'i, kawisa wo tumambisa en itu mamuali, siituo em paangé-angén i Roh i Kristus si an untep in owak éra. An tutuw itu e Roh i Amang Kasuruan méé kasairian andumoro' ing kawenduan-kawenduan sé sangkumen oka i Kristus wo andumoro' i rarayo wo in sisiri' si kumiitai kekawus ing kawenduan itu.

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Ibrani 5:6

Wo awéan ka'i sé aicua i Amang Kasuruan a nats walina ang Kitap Le'nas tana'i, “Icoo si Imam akar ing kauré-uré kaputé i Melkisedek.”

Lukas 1:78

Si Amang Kasuruanta itu lumoo-loor wo taupus. Sia mai lumowir icita tanuoka sendot i yéndo i mamoondo,

Lukas 1:68

“Irayoo mangé si Amang Kasuruan, si Casuruan é tou Israel! Ampa'paan Sia imayo en tumawang sé tou-Na wo mai mekar iséra.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.