Ibrani 2:11 - En Taar Weru a nunuwu' é Tontemboan

¹¹ Si Yesus si lume'nas sé tou sé iméma' ing kamesé-meséaan éra wo sé tou sé line'nas-Nao makaanu esa Amang. Ampa'paan in itu si Yesus ra'ica malawi' mengatuul iséra poo-poow-Na.

Ibrani 2:11 Referans Kwoze

Ibrani 10:14

Anaé, ang karapi in esake' iparagés, linekepo i Kristus torona ing kauré-uré sé tou sé line'nas-Nao.

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Ibrani 13:12

Siituo imangémai si Yesus mawendu wo imaté ang kesot im papalen wangker ing kota Yerusalem e meresi ing kamesé-meséaan é tou ang karapi in enda'-Na in esa.

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.

Yohanes 17:19

Wo isarakan-Ku eng katouan le'nas-Ku en sumelewir si Amang. Niéma'-Ku en itu torona ing kalooran éra, wosama' séra ka'i ro'na sumarakan in owak en sumelewir si Amang kumiit in sususuien wutul-Mu.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Ibrani 2:14

Sé tou patuulen i Yesus toya-toyaang itu, séra asaloke' tou si ro'na maté. Anaé, si Yesus imamuali tou wo menonou meputé wo sé tou, wosama' em papaté ro'na sangkumen-Na kaputé in tou. Wo ampa'paano im papaté-Na itu, ro'na kalan-Na si kikiiten é sétang si makakawasa im papaté.

Galatia 4:4

Taan asi oras aitantuo i Amang Kasuruan, yutus-Na si Toyaang-Na ang kayo'baan. Si Toyaang-Na tumou asi esa wéwéné wo menonou le'tek mengaéma' in ukum Torat tanu tou Yahudi.

Kisah Para Rasul 17:26

Asi esa touke' niéma'-Nao waya sé bangsa mento' ang kayo'baan. Wo aitantu-Na waya en témpo wo ka'i en supu-supu im paento'an éra.

Ibrani 11:16

Taan intarépé' séra lumelo si esa roong en lébé loorai, siituo si roong an sorga. Ampa'paano in itu si Amang Kasuruan ra'ica malawi' im patuulen Amang Kasuruan éra, ampa'paan aitu'tulo i Amang Kasuruan ai séra esa kota.

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Matius 28:10

Wo icua-Na ai séra, “Tioo maindé'. Mangéo icua miow a sé poo-poow-Ku, wosama' séra mangé ang Galilea. A mangé mbitu oka sérén éra Aku.”

Kisah Para Rasul 17:28

Sia si méma' icita menonou wo ro'na mengéro-ngéro' wo maaseng. En itu meputé wo im puisi si aipatic é tou miow si cumua, ‘Kita im baya toya-toyaang-Na.’

Lukas 9:26

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

Markus 3:34

Téintengen-Na séra sé makalukut lumi'cir Sia wo kumua ai séra, “Si anioo si inang-Ku wo sé mepoow wo Yaku.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.