Ibrani 13:7 - En Taar Weru a nunuwu' é Tontemboan

⁷ Ta'néien angé sé kikiiten iow sé icumuao in Taar i Amang Kasuruan ai camu. Séréno sumama-sama' tambisa eng katouan éra akar séra maté, wo andéano mangé em paémanen éra.

Ibrani 13:7 Referans Kwoze

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

Filipi 3:17

Poo-poow, kiiteno mangé em pakatouku. Wo wéanio' rékén sé tou sé menonou mengakiit im pakatou ami.

Ibrani 6:12

Wo in taniitu kamu ra'ica mangenger. Taan en casalé' ami wosama' kamu mengaandé mangé a sé tou sé tumerima in janji i Amang Kasuruan ampa'paano im paémanen wo ing katalesenan éra imaento-ento' mai in janji-Na itu.

1 Tesalonika 1:6

Wo kamu mengakiito im peri ami wo im peri i Apo' Yesus. Mandé awéan tou maokoi camu, émaan i Roh Le'nas kamu kasake' tumerima in arui en taar i Casuruan.

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

Matius 24:45

“Si séi si ata le'tek wo pandéi, tantu sia angkaien i tuangna mamuali kikiiten é kakéléna ata am balé i tuang itu. Wo sia tokéan i tuangna e méé kanen a sé kakéléna ata an oraso ing kuman.

1 Timotius 3:5

Ampa'paan sa sia ra'ica makawoo en tumu'tul im pamaléna in esa, ra'ica kawisa ka'i sia ro'na tumu'tul sé jamaat i Amang Kasuruan!

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

1 Korintus 4:16

Ampa'paan in ituo pangilekenku ai camu wosama' kamu menonou kumiit tanu ing katouanku.

Roma 10:17

Anaé, sé tou ro'na maéman, ampa'paan séra luminga in abar. Wo en abar itu ro'na lingan éra ampa'paan awéan tou e mangé kumua in abar andumoro i Kristus itu ai séra.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Wahyu 6:9

Wo tutuw i Toyaang i Domba muka' in ségél kalima, kaséréanku sé mu'kur an darem im pawetaan i raragés sé pinatéo ampa'paan in Taar i Amang Kasuruan wo ampa'paan ing kasairi-sairian éra.

Wahyu 20:4

Kekawus in itu sérénku em palukutan pasiri-siriin, wo sé makalukut am bawona. Séra winéan kawasa e makim. Wo sérénku ka'i sé mu'kur é tou sé imaté pinokolan in do'kos ampa'paan mengasairi in andumoro' i Yesus wo ka'i mengakua in Taar i Amang Kasuruan. Séra sé tou sé ra'ica makuru en sumiri' a si binatang itu wo im patongna, wo ra'ica tumerima in tuusna an tuintung wo ang kama éra. Séra itu tinou sumawel wo merénta mewali-wali wo si Kristus sangariwu ngata'un eng kauréna.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

2 Tesalonika 3:9

Émaan ami en itu ra'ica ampa'paan kami ra'ica wana hak en tulungen é jamaat. Taan ra'ica kiim ami e maké in hak itu. Kami re'dem matawoi in taniitu ampa'paan kami masalé' mamuali paandéan wosama' kiiten iow.

1 Korintus 11:1

Kiiteno mangé sé pengaémaanku, meputé ka'i yaku makiit im pengaémaan i Kristus.

Lukas 12:42

Wo isowat i Yesus ai séra maké in andéan, “Si séi réén si ata le'tek wo pandéi si angkaien oka i tuangna mamuali kikiiten asé ata walina sé matawoi am baléna, wosama' sia méé kanen a sé ata itu an orasnao ing kuman?

Lukas 8:11

Tana'i eng kaangéan in andéan itu: En lulumbo itu, siituo en Taar i Amang Kasuruan.

2 Tesalonika 3:7

Ampa'paan kailekan iow in esa tambisa e musti kumiit ing katouan ami, ampa'paan an tutuw kita mewali-walipé', kami re'dem matawoi.

1 Korintus 10:13

Sé pangepé'an pinendam iow itu, pangepé'an sé manaramo pengasangkumen é tou. Wo si Amang Kasuruan kasake' le'tek an janji-Na, anaé kamu ra'ica iwaya-Na asé pangépé'an sé ra'ica kawooan iow mamuléng. Taan tutuw iow pinangepé'an, kamu wéan-Na oka lalan akar kamu makawoo sumaru im pangepé'an.

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Lukas 5:1

Asi makasa si Yesus makatulung an tembir in lour Genesaret. Wo keli sé tou imali'usai ai Sia e mai luminga in Taar i Amang Kasuruan.

1 Petrus 4:11

Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.