Ibrani 13:17 - En Taar Weru a nunuwu' é Tontemboan

¹⁷ Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

Ibrani 13:17 Referans Kwoze

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

Ibrani 13:7

Ta'néien angé sé kikiiten iow sé icumuao in Taar i Amang Kasuruan ai camu. Séréno sumama-sama' tambisa eng katouan éra akar séra maté, wo andéano mangé em paémanen éra.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

1 Korintus 16:16

Ampa'paan in ituo, pangilekenku ai camu, wosama' pengalingan iow sé tou tanu siitu wo ka'i a sé tou walina sé matawoi wo maselewir mewali-wali wo iséra.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.

Filipi 2:29

Anaé, sungkuleno mangé si Epafroditus itu ang karapi i wuta ing kaaruian ang karapi i ngaran i Casuruan tanu poow an esa paémanen, wo siriino mangé sé tou kaputé itu,

Roma 14:12

Anaé, kita si esa wo si esa musti méé panowaten a si Amang Kasuruan andumoro' im pakasa sé niéma'tao.

2 Tesalonika 3:14

Sa awéan tou ra'ica kiim kumiit sé aipatic ami an surat anio', kamu musti mareti-reti wo tioo makara-karapi wo si tou itu wosama' sia malawi'.

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

Filipi 3:18

Icuaku in taniitu, ampa'paan awéan e mangémai akar en atéku wendu keli. Tanu sé makakeli-kelio aicuaku ai camu ang karapi i maamé', ita'néiku ai camu sapaoka intarépé' keli tou imangaku séra makiit si Kristus, taan séra ra'ica menonou makiit in sususuien i Kristus si maté ang kayu salip en tumu'bus ing kamesé-meséaanta!

Yakobus 4:7

Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

Filipi 1:4

Wo susurku in sumombayang torona icamu im baya, ipasombayangku ang karapi in arui en até.

Lukas 16:2

Wo towanna si tou mengaurus in doit itu wo icuana, ‘Pinalingakuo sapaoka ko asaloke' menga'pu-nga'pu in doitku, ampa'paano in itu intarépé' iwééo mai a yaku pakasa sé andumoro' in tawoienmu maurus in doitku. Ampa'paan ko ra'- io toro murus in doitku.’

Filipi 2:16

Ang karoro'an in itu turu'o miow ka'i ai séra en Taar si mawéé ing katouan. Wo in taniitu an tutuw i Kristus maai sa, yaku ro'na tumirayo ampa'paan pakasa sé pinaraméjianku a si tawoienku ra'ica mara'i-ra'i wo sé pinala'lé-la'léanku mai awéan en torona.

Efesus 5:21

Wo ko'kosio' en atému iesa wo sé walina, ampa'paan kamu tou sé mengasiri' si Kristus.