Ibrani 12:9 - En Taar Weru a nunuwu' é Tontemboan

⁹ Kita awéan amang ang kayo'baan. Kita patepianna wo sia pasiriinta. Wopé'taré si Amang Kasuruan, Amangta an sorga, Amang é pakasa é roh. Kita musti lume'te-le'tek angé ai Sia wosama' kita ro'na menonou akar ing kauré-uré.

Ibrani 12:9 Referans Kwoze

Yohanes 3:6

En owakta anio' tumou asi matu'ata, taan e rohta itumou asi Roh i Amang Kasuruan owo.

1 Petrus 5:6

Ampa'paan in ituo, ko'koso mio' en owakmu an dior i Amang Kasuruan si kumete-keter, wosama' asi oras si aitantu-Nao, irangka'-Na oka kamu.

Yakobus 4:7

Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

Yakobus 4:10

Ko'koso mio' en owakmu an dior i Casuruan wo irangka'-Na oka kamu.

Roma 9:3

Séra itu poo-poowku kaputé wo yaku. Yaku in esa tu'tulo ing kutuken i Amang Kasuruan wo ipetané asi Kristus sa en itu ro'na méma' sé tou Israel itu malowir an ukuman ing kamesé-meséaan.

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Kisah Para Rasul 2:30

Taan si Daud anio' nabi wo kailekanna sa si Amang Kasuruan ijumanjio ai sia ang karapi in sumpa sapaoka esa asé taranakna mamuali oka kolano.

Lukas 18:2

Icua-Na, “An esa kota awéan esa akim si ra'ica maindé' a si Amang Kasuruan wo ra'ica mengasiri' sé tou.

Lukas 18:4

Uré-uréanke' si akim itu ra'ica kiim tumawang si wéwéné balu itu. Taan ang kasomoianna si akim itu memero-merot in tana'i, ‘Mandé aku ra'ica maindé' a si Amang Kasuruan wo ra'ica mengasiri' sé tou,

Wahyu 22:6

Kekawus in itu, si malaékat itu kumua a yaku, “Sé aicuaku anio' ro'na percayan wo wutul. Wo si Amang Kasuruan si mééo i Roh-Na a sé nabi, ayutus-Nao si malaékat en tumuru' a sé ata-Na sapa sé ra'io uré mamuali sa.”