Ibrani 12:11 - En Taar Weru a nunuwu' é Tontemboan

¹¹ Wutul, an tutuw kita tinepian, en atéta ra'ica mendam in arui asaloke' mendam in susa. Taan an tutuw in tinepian in taniitu kita maroba oka, akar em perita maloor wo eng katouanta maelur.

Ibrani 12:11 Referans Kwoze

2 Korintus 4:17

Wo eng kawenduan sé papendamen ami intarépé' ra'ica uter wo ang karoro'anke'. Taan teriman ami oka eng kaaruian si ra'io icakua wo eng kaaruian itu akar ing kauré-uré. Eng kaaruian itu ilumébé mai wo ing kawangko' sa ipeputé wo ing kawenduan si pinendam ami mai.

1 Petrus 1:6

Ampa'paan in ituo maaru-aruio mangé, mandé ka'i intarépé' awéan en témpona kamu musti mawendu ampa'paan sumangkum ing kumeli-keli pangepé'an.

Ibrani 12:10

Sé amangta ang kayo'baan mengatepi icita ang karoro'anke' iciit sapa sé paanggapen éra loor. Taan si Amang Kasuruan mengatepi icita torona ing kalooranta in esa wosama' kita ro'na male'nas kaputé Sia le'nas.

Ibrani 5:14

Taan eng kakanen keté torona é tou wangkoo, sé makalatio mabéda si wisa en loor wo si wisa en léwo'.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

2 Petrus 2:14

Em beren éra masalé' menéré-néré sé wéwéné akar masalé' mengabersina wo ra'ica mengasuut mengaéma' ing kamesé-meséaan. Wo séra matawér sé tou ra'ipé' talos maéman a si Apo' Yesus wosama' icasélé'kow. En até éra itu manaramo menonou ang kalongi'an. Wo séra ituo sé tou kinutuk.

2 Timotius 4:8

Yaku, aitu'tulo i Casuruan mahkota ampa'paan aku mengaéma' im butul an dior-Na. E mahkota itu iwéé-Na oka a yaku asi endo Sia mai makim pakasa in tou. E mahkota itu ra'ica yakuke' e ro'na makéré, taan teriman oka ka'i é pakasa in tou sé mengento-ento' Sia maai sumawel ang kayo'baan. Si Casuruanta anio' ulit Akim si ra'ica marapit.