Ibrani 10:4 - En Taar Weru a nunuwu' é Tontemboan

⁴ Ampa'paan en enda' i sapi tuama wo en enda' i mémbé' tuama uli-ulit ra'ica ro'na misi ing kamesé-meséaan é tou.

Ibrani 10:4 Referans Kwoze

Ibrani 10:11

Indior si esa wo si esa imam mengaéma' in tawoienna susur in endo wo menguri-nguri mengawéé binatang pinokol si meputé a si Amang Kasuruan. Wo em iparagés pawéé éra itu, ra'ica toro misi ing kamesé-meséaan é tou.

1 Yohanes 3:5

Kailekan iow sapaoka si Yesus imayo en tumu'bus ing kamesé-meséan, wo ai Sia ra'ica wana kamesé-meséaan.

Roma 11:27

“En janji-Ku ai séra indior, lekepen-Ku oka an tutuw Aku méé ing kaampungan ang kamesé-meséaan éra.”

Ibrani 10:8

Si aicua i Kristus kataré-taré an dangka' in tana'i, “Si Amang Kasuruan ra'ica masalé' sé raragés binatang pinokol wo i raragés walina, wo sé binatang pinokol tinunu wo sé binatang pinokol torona ing kaampungan ing kamesé-meséaan.” Mandé ka'i sé raragés itu airagés makiit in atoran an ukum Torat.

Ibrani 9:9

En itu tanu andéan ai cita sé menonou asi oras anio': raragés binatang pinokol wo raragés walina si aiwéé a si Amang Kasuruan, ra'ica ro'na méma' in até weresi é tou mamuali lekep ampa'paan e méé im paragés itu.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Markus 12:33

Mémang wutul, mengaupus angé si Amang Kasuruan ang karapi in lekep en até wo ang karapi pakasa im pakawerotmu wo ang karapi im pakasa ing kaketeranmu wo ka'i mengaupus sé kakélé tou meputé ko mengaupus in owak in esa, en itu lumébé pentingai asé pakasa i raragés binatang pinokol wo sé raragés walina.”

Ibrani 10:1

En atoran-atoran ang kitap Torat itu, asaloke' im bayangan andumoro' sé loor si maai sa, ra'ica modél aseli asé loor itu. Sa kumiit sé atoran itu, sé tou sé mai maapo' a si Amang Kasuruan, séra musti meméé-méé raragés meputé susur in ta'un. Taan e raragés binatang pinokol sé airagés éra itu, ra'ica kawisa méma' iséra makaleke-lekep an dior i Amang Kasuruan.