Filipi 4:15 - En Taar Weru a nunuwu' é Tontemboan

¹⁵ Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

Filipi 4:15 Referans Kwoze

Filipi 1:5

Pengakuaku i makapulu'sama' a si Amang Kasuruan, ampa'paan tumo'tolke' mai asi endo kataré kamu luminga in Abar Kaaruien in andumoro' i Yesus Kristus akar intarépé', kamu tumawango in tawoienku mengakua in Abar Kaaruien.

Kisah Para Rasul 16:40

Kekesot éra am bui itu, si Paulus wo si Silas mangé am balé i Lidia. Am bitu séra meta'up wo sé tou maéman wo wéan éra kaincayaan sé poo-poow itu. Kumawus in itu, séra in dua kumesot ang kota itu.

Roma 15:26

Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

Filipi 1:7

Mémang patuso aku méé i makapulu'sama' in taniitu andumoro' icamu im baya, ampa'paan icamu im baya an atékuo. Wo ka'i kamu imamualio kara-karapi an tawoien si aitambérai i Amang Kasuruan a yaku. Kamu ra'ica mento' matawang yaku, mandé ka'i yaku am bui kuma'pa an tutuwku mengakua im pembélaan e méé tuus a sé tou sé ra'ica mapercaya in Abar itu, sapaoka en Abar Kaaruien si pakuaku itu wutul.

Filipi 1:12

Poo-poow, icasalé'ku kailekan iow sapaoka aku ayuntep am bui anio', méma'ke' taré makaawes sé tou iluminga in Abar Kaaruien wo maéman a si Kristus.

Filipi 1:16

Sé tou mawasa in loor itu mengakua andumoro' i Kristus ampa'paan in upus a sé tou walina. Kailekan éra aku binui ampa'paan mengakua in Abar Kaaruien andumoro' i Yesus Kristus a sé tou sé mengasundur in Abar Kaaruien itu wo méé tuus sapaoka en Abar Kaaruien itu wutul.

Filipi 2:12

Poo-poow sé icaupusku! Kailekanku an tutuwku ang karapi miow, kamu tatap le'tek a yaku. Taniitu ka'i intarépé' an tutuwku mentayangan wo icamu, pangilekenku tatap tawoien angé ang karapi mauli-ulit eng kalowiran iow wo ang karapi wuta ing kaindé'an a si Amang Kasuruan, wo menonou angé kiit in sapa si patus émaan é tou sé linowir-Nao.