Filipi 3:8 - En Taar Weru a nunuwu' é Tontemboan

⁸ Ra'ica siituke', am baya-waya ra'ica wana torona, sa ipeputé wo yaku intarépé' si makatuuso si Kristus Yesus, Apo'ku. Wo ampa'paano i Kristus Yesus, iwekarku waya en itu wo anggapenku tanu noo, wosama' aku lébépé' ka'i makatuus si Kristus Yesus,

Filipi 3:8 Referans Kwoze

Roma 8:18

Émanenku sapaoka eng kawenduan pasangkumenta intarépé', ra'ica ro'na ipeputé wo i rarayo wo in sisiri' si iwéé oka ai cita asi endo mengangai.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Filipi 3:7

Eng katouanku tanu siitu indior anggapenku awéan eng katoronaan, taan intarépé' anggapenku ra'ica wana eng katoronaan ampa'paan i Kristus.

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Filipi 3:10

Intarépé' en icasalé'ku asalo makatuus si Kristus Yesus wo ing kawasa si tumou Sia am papaté. Wo icasalé'ku imendam ing kawenduan si sinangkum-Nao wo mamuali tanu Sia si mawendu akar imaté,

2 Petrus 1:3

Si Amang Kasuruan makaanu ing kawasa wangko', wo pakén-Na eng kawasa itu e méé im pakasa sé paperlunta wosama' kita menonou le'tek ai Sia. Pakasa sé paperlunta aiwéé-Na ampa'paan kita makatuuso ai Sia, si tumowao icita e makéré im bagéan a rarayo wo in sisiri'-Na wo ang kalooran-Na.

1 Korintus 2:2

Ampa'paan eng kauré aku mewali-wali wo icamu, pinusé'kuo ra'ica kiimku kumua andumoro' sé walina ai camu, aluar andumoro'ke' i Yesus Kristus si maté ang kayu salip.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 14:20

An tutuw-Ku tumou sumawel, kakailekan oka miow sapaoka Yaku meesa wo si Amang, wo icamu meesa wo Yaku wo Yaku meesa ang karapi miow.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

Yohanes 14:7

Sa kamu wutu-wutul makatuus Yaku, tantu ka'i kamu makatuus si Amang-Ku. Intarépé' kamu makatuuso Sia wo isuméréo Sia.”

Efesus 4:13

akar kita im baya maesa am paémanen wo makatuus si Toyaang i Amang Kasuruan. Wo an in taniitu, em paémanenta makawangkoo wo menguré-nguré kita mamuali oka kaputé i Kristus.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.

1 Yohanes 1:3

Intarépé' icua ami ai camu sapa sé sinéréo wo liningao ami ai Sia. Wo in taniitu kamu ro'na menonou meesa wo icami. Wo kita im baya ka'i menonou meesa wo si Amang wo si Toyaang-Na Yesus Kristus.

2 Timotius 4:6

Andumoro' yaku, intarépé' yaku tawio maté. Eng katouanku intarépé' tanuoka in elepen anggor aituas tanu tuus raragés in owakku a si Casuruan.

Yohanes 20:28

Wo icua i Tomas, “Icoo si Tuangku wo ka'i Amang Kasuruanku!”

Yohanes 16:3

Émaan éra oka en itu ai camu, ampa'paan si Amang-Ku wo Yaku ka'i wutu-wutul ra'ica katuusan éra.

1 Yohanes 2:19

Mémang séra itu tou an unerta owo, taan séra itu ra'ica touta. Ampa'paan sa séra itu touta, tantu séra kasake' mewali-wali wo icita. Taan ampa'paan séra itumanéo wo icita, en itu mamuali tuus sa séra itu ra'ica touta.

1 Petrus 2:7

Si Yesus Kristus uli-ulit sosor em bééna torona é tou maéman ai Sia. Taan sé tou ra'ica maéman, tantu icawangkur, tanu si aipatic ang Kitap Le'nas tana'i, “Watu aitiya' é bas, imamualio watu patuuran si kumataré-taré.”

Galatia 1:16

Wo ituru'-Na si Toyaang-Na a yaku, wosama' ipakua-kuaku en andumoro' i Toyaang-Na an uner é tou ra'ica Yahudi. Wo aku ra'ica mangilek sina'u asi séike' mangé mandé esake' nuwu' andumoro' in taar si tinerimaku itu.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

1 Korintus 9:10

Kuma'pa sé aipatic itu torona ka'i cita? Wutul si aipatic itu toronata. Ampa'paan eng kaangéanna sé aipatic itu tana'i: si tou mapajéko in uma wo si tou mapisi ing gandum an tangona, séra patus maarap makéré laasa asi tawoienna itu.

Yohanes 20:13

Wo wuéien é malaékat itu ai sia, “Inang, kéitu réén ko maamé'?” Isowat i Maria, “Si Tuangku niindoo é tou, wo ra'ica kailekanku am bisa em binetaan éra Sia.”

Lukas 11:20

Taan sa Aku musér si sétang maké ing kawasa i Amang Kasuruan, en ulitna si Amang Kasuruan Kumawasao tanu Kolano an uner iow.

Lukas 1:43

Si séi réén aku anio' akar si inang i Tuangku mai meta'up wo yaku?

Roma 8:39

kawasa-kawasa walina sé an langit kuma'pa sé an untep in tana', kuma'pa sapake' mangé en itu ra'ica méma' icita icatané an upus i Amang Kasuruan, si aituru'-Na ai cita ampa'paano i Kristus Yesus Apo'ta.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

Filipi 3:12

Yaku ra'ica kumua sapaoka eng katouanku mamualio kaputé ing katouan i Kristus Yesus kuma'pa eng katouanku makakii-kiito. Taan aku tatap rumaméji wosama' aku ro'na menonou kaputé ing katouan-Na ampa'paan yaku sinisir-Nao mamuali anu-Na.

2 Petrus 1:2

Pekiupusenku a si Amang Kasuruan wosama' émaan-Na mai eng katouan iow elur wo tumambérai ing kamang si kumeli-keli ai camu ampa'paan katuusano miow si Amang Kasuruan wo si Apo'ta Yesus.

2 Petrus 1:8

Ampa'paan sa sé peri-peri itu ai camuo wo em pakasa itu pengéma-ngémaan iow, sé ituo en tumawang icamu lébé makatuus si Yesus Kristus Apo'ta wo eng katouan iow lébé awéan torona a sé tou walina.